Viaan Mulder Declaration at 367: વિશાળ ઇનિંગ છતાં ડિકલેરેશનને નાંખી ચર્ચા, મુલ્ડરે આપી ભાવનાત્મક સ્પષ્ટતા
Viaan Mulder Declaration at 367: દક્ષિણ આફ્રિકાના યુવા ક્રિકેટર વિઆન મુલ્ડરએ તાજેતરમાં ઝિમ્બાબ્વે સામેની બીજી ટેસ્ટમાં 367 રનની અણનમ ઇનિંગ રમી હતી. આ ઇતિહાસિક ઇનિંગ બાદ પણ ચર્ચાનો મુદ્દો એ રહ્યો કે તેણે બ્રાયન લારાનો 400 રનનો વિશ્વ રેકોર્ડ તોડવાનો પ્રયત્ન કેમ ન કર્યો? જ્યારે એક ઇનિંગમાં 400 રનનો તક હોય ત્યારે દરેક બેટ્સમેન ઇતિહાસ લખવા માંગે, પણ મુલ્ડરે આ તક છોડી આપી – કારણ જાણીને તમે આશ્ચર્યચકિત થઇ જશો.
માત્ર રન નહીં, મૂલ્યવાન વિચાર
વિઆન મુલ્ડરે માત્ર 334 બોલમાં 49 ચોગ્ગા અને 4 છગ્ગાની મદદથી 367 રન ફટકાર્યા હતા. તેના આ વિસ્ફોટક પ્રદર્શન બાદ દક્ષિણ આફ્રિકા ટીમે 625/6 પર ઇનિંગ ડિકલેર કરી. જ્યારે તેણે લારાનો રેકોર્ડ તોડવાનો પ્રયાસ ન કર્યો, ત્યારે ચાહકો અને નિષ્ણાતો વચ્ચે ચર્ચા જાગી ગઈ.
“બ્રાયન લારા એક દંતકથા છે” – મુલ્ડર
મેચના બીજા દિવસે મિડિયા સાથે વાત કરતા મુલ્ડરે કહ્યું,
“મારા માટે પહેલાં તો ટીમ મેટરની હતી. મને લાગ્યું કે 625 પૂરતું છે અને હવે બોલરોને તક આપવી જોઈએ.
બીજી બાબત એ છે કે બ્રાયન લારા એક દંતકથા છે. એ રેકોર્ડ તે જના નામે હોવો જોઈએ. મેં તે રેકોર્ડ તોડવો યોગ્ય ન લાગ્યો.”
મુલ્ડરે ઉમેર્યું કે જો આવું ફરી થાય તો પણ કદાચ તે એ જ નિર્ણય કરશે. આ વાત તેમણે કેપ્ટન અને કોચ સાથે ચર્ચ્યા બાદ નક્કી કરી હતી.
મુખ્ય કોચનો સંદેશ પણ અસરકારક
દક્ષિણ આફ્રિકાના મુખ્ય કોચ શુકરી કોનરાડે પણ મુલ્ડરને સમર્થન આપ્યું. મુલ્ડર જણાવે છે,
“શુક્સે મને કહ્યું કે મોટા રેકોર્ડો મોટા ખેલાડીઓ માટે હોય છે. લારાનો રેકોર્ડ એના લાયકાત ધરાવનારા વ્યક્તિ પાસે જ રહેવો જોઈએ.”
ખરા સ્પોર્ટસમેનશીપની મિસાલ
વિઆન મુલ્ડરે માત્ર રન કે રેકોર્ડ પાછળ જવાની જગ્યા પર આદર અને ટેમ ઈન્ટરસ્ટને મહત્વ આપ્યું, જે સાચા ખેલાડીની ઓળખ છે. તેનુ આ નિર્ણય ભવિષ્યમાં યુવા ખેલાડીઓ માટે પણ પ્રેરણા બની શકે છે કે રમત માત્ર આંકડાઓની હોડ નહીં પણ મૂલ્ય અને દૃષ્ટિ પણ છે.
367 રન પર અણનમ રહીને ઇનિંગ ડિકલેર કરવી એ સરળ નિર્ણય નહોતો. પરંતુ મુલ્ડરના નિર્ણય અને તેના પાંગરેલા વિચારસરણને કારણે આજે દુનિયાભરના ક્રિકેટ પ્રેમીઓ તેને વિશેષ સન્માનની નજરે જુએ છે. બ્રાયન લારાની જેમ, મુલ્ડર પણ હવે ક્રિકેટ નીતિશાસ્ત્રના મંચ પર ચમકી ગયો છે.
