એલ્વિસ યાદવે ‘બિગ બોસ ઓટીટી ૨’ માં વાઇલ્ડ કાર્ડ સ્પર્ધક તરીકે એન્ટ્રી કરી હતી.જાેકે, તે તે જ્યારે બહાર આવ્યો ત્યારે ટ્રોફી લઈને બહાર આવ્યો હતો. તમને જણાવી દઈએ કે, તે હાલમાં સોશિયલ મીડિયા અને તેના યુટ્યુબ વ્લોગ દ્વારા તેના પર્સનલ લાઈફની ઝલક બતાવી રહ્યો છે. નવીનતમ વ્લોગમાં તેણે તેના નવા ૪ માળના મકાનની ઝલક બતાવી હતી, જે હાલમાં નિર્માણાધીન છે. એલ્વિસ યાદવે વ્લોગમાં જણાવ્યું હતું કે, બિગ બોસ જીત્યા બાદ તે પહેલીવાર તેના નવા ઘરની મુલાકાતે આવ્યો છે. તે ફેન્સે પૂછે છે કે, તેનું તૈયાર થવા જઈ રહેલુ ઘર કેવું લાગે છે? તેના છેલ્લા વ્લોગમાં, યુટ્યુબરે ફેન્સને ‘બિગ બોસ ૧૭’માં જાેડાવા અંગે સંકેત આપ્યો હતો. તેણે તેના ચાહકોને પૂછ્યું હતું કે, શું તેઓ તેને બિગ બોસના ઘરમાં જાેવા માંગે છે કે નહીં. ભૂતપૂર્વ બિગ બોસ સ્પર્ધક અને પ્રખ્યાત ટીવી પર્સનાલીટી મનુ પંજાબી સાથેની વાતચીત દરમિયાન એલ્વિસ તેના અંગત જીવન વિશે ખુલીને વાત કરી હતી.
તેણે જણાવ્યું હતું કે, જે છોકરી તેની ગર્લફ્રેન્ડ હોવાનો દાવો કરી રહી છે તે વાસ્તવમાં તેની ગર્લફ્રેન્ડ નથી. તે જે છોકરીને ડેટ કરી રહ્યો છે તે પંજાબની છે અને તે ઈચ્છતી નથી કે, તે લાઇમલાઇટમાં આવે. એલ્વિસ આશિકા ભાટિયા સાથે વાઇલ્ડ કાર્ડ સ્પર્ધક તરીકે ‘બિગ બોસ ઓટીટી ૨’માં પ્રવેશ્યો હતો. તેણે ઓછા સમયમાં પોતાના પરફોર્મન્સ અને ફની ટોકથી દર્શકોના દિલ જીતી લીધા હતા, જેના કારણે તેને બાકીના સ્પર્ધકો કરતા વધુ વોટ મળ્યા હતા. બિગ બોસ ઓટીટી ૨’ જીત્યા બાદ એલ્વિસ યાદવને ખબર પડી કે, તેને ૧૫ મિનિટમાં ૨૮ કરોડ વોટ મળ્યા છે. રિયાલિટી શોમાં મનીષા રાની અને અભિષેક મલ્હાન સાથે તેની મિત્રતા સારી રહી હતી.
