China-Brazil poultry trade: બ્રાઝિલના ચિકન આયાત પરના પ્રતિબંધને લઈ ઘતી નરમાઈ
China-Brazil poultry trade:જ્યારે બ્રાઝિલમાં ચાલી રહેલી બ્રિક્સ સમિટ 2025માં વૈશ્વિક સ્તરે ટેરિફ, જીઓપોલિટિકલ સંકટો, અને આર્થિક સહકાર જેવા વિષયોમાં ચર્ચા થઈ રહી છે, ત્યારે બીજી બાજુ ચીને એક વ્યાપારિક દ્રષ્ટિએ મહત્વપૂર્ણ પગલું લીધું છે. ચીન હવે બ્રાઝિલથી ચિકન આયાત પરનો પ્રતિબંધ હટાવવાનો વિચાર કરી રહ્યું છે – અને આ નિર્ણય બ્રાઝિલ માટે મોટી રાહત બની શકે છે.
ચિકન આયાત પર શું હતો મામલો?
2025ના શરૂઆતના મહિનાઓમાં બ્રાઝિલના એક ફાર્મમાં બર્ડ ફ્લૂ (Avian Influenza) ના કેસ નોંધાયા હતા, જેના પગલે ચીન સહિત 20થી વધુ દેશોએ બ્રાઝિલમાંથી ચિકન અને મરઘાં સંબંધિત ઉત્પાદનોની આયાત પર પ્રતિબંધ મૂકી દીધો હતો.
પરિણામે:
બ્રાઝિલની ચિકન નિકાસમાં નોંધપાત્ર ઘટાડો થયો.
જૂન મહિનામાં ચિકન નિકાસમાં 23%નો ઘટાડો નોંધાયો અને માત્ર 3.14 લાખ ટન ચિકન જ નિકાસ થયું.
બ્રિક્સ સમિટમાં લીધો નિર્ણય
બ્રાઝિલના રાષ્ટ્રપતિ લુઇઝ ઇનાસિયો લુલા દા સિલ્વા અને ચીનના વડા પ્રધાન લી કિયાંગ વચ્ચે બેઠકમાં આ મુદ્દે ચર્ચા થઈ.
ત્યારબાદ ચીને જાહેર કર્યું કે તે બ્રાઝિલથી ચિકન આયાત માટેના પ્રોટોકોલની સમીક્ષા કરશે.
આ સમાચાર બ્રાઝિલના કૃષિ પ્રધાન કાર્લોસ ફાવારોએ જાહેર કર્યા.
વિશ્વના કેટલાં દેશોએ પ્રતિબંધ હટાવ્યો છે?
WOAH (World Organization for Animal Health) અનુસાર, હવે બર્ડ ફ્લૂનો ખતરો ટળી ગયો છે.
પરિણામે, અત્યાર સુધી 13+ દેશોએ પ્રતિબંધ હટાવી દીધો છે.
જોકે, ચીન, મલેશિયા અને પેરુ સહિત હજુ પણ 9 દેશોએ પ્રતિબંધ યથાવત્ રાખ્યો છે.
બ્રાઝિલ માટે શું છે મહત્વ?
બ્રાઝિલ વિશ્વનો સૌથી મોટો ચિકન નિકાસકાર દેશ છે.
CNY, EU અને મિડલ ઈસ્ટ દેશો તરફથી આયાત શરૂ થવી એ બ્રાઝિલ માટે મોટી આર્થિક તક બની શકે છે.
બ્રિક્સ સમિટનો પ્લેટફોર્મ પણ આ પ્રકારના વ્યાપારિક અવરોધ દૂર કરવા માટે સહાયક બની રહ્યો છે.
