Operation Sindoor Lt General’s Statement: પહેલગામ આતંકી હુમલા પછી ભારતની કારવાઈથી ખુલ્લો પડ્યો પાકિસ્તાનનો આતંકવાદી નકશો
Operation Sindoor Lt General’s Statement: 22 એપ્રિલે પહેલગામમાં થયેલા આતંકી હુમલામાં 26 નિર્દોષ નાગરિકોના નિધન બાદ ભારતે “ઓપરેશન સિંદૂર”ની શરૂઆત કરી હતી. આ પ્રતિસાદ માત્ર આતંકી સંગઠનો માટે જ નહીં પરંતુ પાકિસ્તાન માટે પણ એક કડક સંદેશો સાબિત થયો. ભારતીય સેના દ્વારા આ ઓપરેશન હેઠળ પાકિસ્તાનની અંદર સ્થિત અનેક આતંકી ઠેકાણાંને નિશાન બનાવવામાં આવ્યા.
ટેકનોલોજી આધારિત ગુપ્તચર માહિતી પરથી કાર્યવાહી
લેફ્ટનન્ટ જનરલ રાહુલ આર. સિંહ, જે ભારતના ડેપ્યુટી ચીફ ઓફ આર્મી સ્ટાફ છે, તેમણે FICCI ના કાર્યક્રમ દરમિયાન મોટો ખુલાસો કર્યો કે ઓપરેશન સિંદૂર શરૂ કરતા પહેલા પાકિસ્તાનમાં કુલ 21 આતંકવાદી ઠેકાણાં ઓળખવામાં આવ્યા હતા. આ માહિતી ટેકનોલોજી અને ગુપ્તચર માહિતીના આધારે એકત્રિત કરવામાં આવી હતી. તેમ છતાં, અંતિમ ઘડીએ ફક્ત નવ ઠેકાણાં પર હુમલો કરવાની વ્યૂહરચના અપનાવવામાં આવી હતી.
લશ્કર, જૈશ અને હિઝબુલના ઠેકાણાં થયા નાશ
આઠથી નવ જેટલા કેમ્પો લશ્કર-એ-તૈયબા, જૈશ-એ-મોહમ્મદ અને હિઝબુલ મુજાહિદ્દીન જેવા આતંકવાદી સંગઠનોના મુખ્ય મથકો હતા. અહીં તાલીમ, ભરતી અને આતંકી હુમલાની આયોજનાત્મક પ્રવૃત્તિઓ ચાલતી હતી. ભારતે 6-7 મેની રાત્રે એક સંકલિત ઓપરેશન ચલાવીને આ ઠેકાણાંનો ખતમ કર્યો. આ દરમિયાન ત્રણેય દળો – સેના, વાયુસેના અને નેવી – એકસાથે જોડાઈને કાર્યવાહી કરી, જે ભારતની સામૂહિક રણનીતિક ક્ષમતા દર્શાવે છે.
ઓપરેશનથી શીખેલી મર્યાદાઓ અને પાઠ
લેફ્ટનન્ટ જનરલ રાહુલ સિંહે જણાવ્યું કે યુદ્ધ શરૂ કરવું સરળ હોય છે, પણ તેને નિયંત્રિત કરવું ખુબ જ મુશ્કેલ હોય છે. તેથી યોગ્ય સમયે ઓપરેશન રોકવાનું નિર્ણય લેવું વધુ વ્યૂહાત્મક ગણાય છે. તેમનું કહેવું હતું કે, “વર્ષોથી ભારતે આતંકવાદનો સામનો કર્યો છે, પણ હવે વધુ સહનશીલતા નહીં… ઓપરેશન સિંદૂર એ એક મજબૂત સંદેશો છે.”
પાકિસ્તાનનો વિરોધ અને યુદ્ધવિરામ
ઓપરેશન પછી પાકિસ્તાને ભારતના ઘણા લશ્કરી ઠેકાણાં પર હુમલો કરવાનો નિષ્ફળ પ્રયાસ કર્યો, જે 3-4 દિવસ સુધી ચાલ્યો. ભારતના મજબૂત પ્રતિસાદ બાદ 10 મેના રોજ યુદ્ધવિરામ જાહેર કરવામાં આવ્યો, જે પાકિસ્તાનની વિનંતી પર સંભવ થયો. આ ઓપરેશનથી ભારતે સાબિત કર્યું કે હવે તે આતંકવાદ સામે નિર્મમ અને દ્રઢ છે.
