Astronaut Shubhanshu Shukla પ્રથમ ભારતીય અવકાશયાત્રી તરીકે ઇતિહાસ રચ્યો
Astronaut Shubhanshu Shukla: આંતરરાષ્ટ્રીય અવકાશ મથક (ISS) ની મુલાકાત લેનારા પ્રથમ ભારતીય અવકાશયાત્રી તરીકે ઇતિહાસ રચતા પહેલા, શુભાંશુ શુક્લાએ તેમની પત્ની કામના માટે એક ભાવનાત્મક નોંધ લખી, જે સોશિયલ મીડિયા પર વાયરલ થઈ ગઈ છે.
Astronaut Shubhanshu Shukla: રાહ આખરે પૂરી થઈ ગઈ! ભારતીય અવકાશયાત્રી શુભાંશુ શુક્લા અને તેમના ત્રણ સાથીઓ બુધવારે બપોરે 12:01 વાગ્યે ફ્લોરિડામાં નાસાના કેનેડી સ્પેસ સેન્ટર ખાતે લોન્ચ કોમ્પ્લેક્સ 39A થી એક્સિઓમ-4 મિશન પર આંતરરાષ્ટ્રીય અવકાશ મથક (ISS) માટે રવાના થયા છે.
આ મિશન ભારતના અવકાશ ઇતિહાસમાં એક નવો સીમાચિહ્નરૂપ સાબિત થશે. ISS ની મુલાકાત લેનારા પ્રથમ ભારતીય અવકાશયાત્રી તરીકે ઇતિહાસ રચતા પહેલા, શુભાંશુ શુક્લાએ તેમની પત્ની કામના માટે એક ભાવનાત્મક નોંધ લખી, જે સોશિયલ મીડિયા પર વાયરલ થઈ ગઈ છે.
લૉન્ચ પહેલાં શુભાંશુ શુક્લાએ ઈન્સ્ટાગ્રામ પર લખ્યું, “25 જૂનની સવાર અમે આ ગ્રહ છોડવાની યોજના બનાવી રહ્યા છીએ. હું આ મિશનમાં જોડાયેલા તમામ લોકોને તેમના સપોર્ટ માટે આભાર માનવા માંગું છું, સાથે જ ઘરમાં રહેલા બધા લોકોને તેમના આશીર્વાદ અને પ્રેમ માટે આભાર.”
પત્ની માટે ભાવુક સંદેશ
શુભાંશુએ પોતાની પત્ની કામનાને ખાસ આભાર આપતાં કહ્યું, “તમે એક ઉત્તમ સાથીદાર છો. તમારા વગર આ બધું શક્ય ન હોત. પણ સૌથી મહત્વની વાત એ છે કે આ બધામાંથી કોઈ પણ વસ્તુ એટલી મહત્વની નથી.” સાથે જ તેમણે પત્ની સાથેની એક તસ્વીર પણ શેર કરી છે, જેમાં તેઓ કાચની દીવાલ દ્વારા એકબીજાને વિદાય આપી રહ્યા છે.
View this post on Instagram
બાળપણનો મિત્ર જીવનસાથી બન્યો
ટાઈમ્સ ઓફ ઈન્ડિયાની રિપોર્ટ મુજબ, શુભાંશુ અને કામનાની મુલાકાત લખનૌની એક પ્રાથમિક શાળામાં થઈ હતી. કામનાએ જણાવ્યું કે તેઓ ત્રીજી ક્લાસથી સાથે ભણતા આવ્યા છે અને શુભંશુને ‘ગુન્જન’ નામથી ઓળખે છે. તેમણે કહ્યું, “ગુન્જન અમારી ક્લાસનો સૌથી શરમાળ છોકરો હતો, જે હવે ઘણાને પ્રેરણા આપી રહ્યો છે.” આ દંપતીએ એક છ વર્ષનો પુત્ર પણ છે.
શુભાંશુ ની માતા આશા શુક્લાએ એક્ઝિયોમ-4 મિશન પહેલા પોતાની વહુ કામનાના અડગ સમર્થન માટે પ્રશંસા કરી અને જણાવ્યું કે આ સિદ્ધિ તેમની વહુના વગર સંભવ ન હતી.
