Tesla નો ભારતમાં પ્રવેશ: પ્રથમ શોરૂમ કયા સ્થળે ખુલશે?

Tesla કંપની મુંબઈમાં પોતાનો પહેલો શોરૂમ ખોલવા જઈ રહી છે

Tesla: ટેસ્લાની ઇલેક્ટ્રિક કારની ભારતમાં ઘણા દિવસોથી રાહ જોવાઈ રહી હતી. એલોન મસ્ક પોતે ઘણા મહિનાઓથી ભારતમાં પ્રવેશવા માટે ઉત્સુક હતા. જોકે, આ રાહ ટૂંક સમયમાં પૂરી થવા જઈ રહી છે. કંપની મુંબઈમાં પોતાનો પહેલો શોરૂમ ખોલવા જઈ રહી છે.

Tesla: ભારતમાં લાંબી રાહ જોયા પછી, ટેસ્લાની ઇલેક્ટ્રિક કાર આખરે પ્રવેશવા જઈ રહી છે. ઇલેક્ટ્રિક કાર કંપની ટેસ્લા ઇન્ક. જુલાઈમાં ભારતમાં પોતાનો પહેલો શોરૂમ ખોલવા માટે તૈયાર છે. ટેસ્લા આવતા મહિનાથી વિશ્વના ત્રીજા સૌથી મોટા ઓટોમોબાઈલ બજાર ભારતમાં ઔપચારિક રીતે લોન્ચ કરશે.

વિશ્વના સૌથી ધનિક વ્યક્તિ એલોન મસ્કની કંપની ટેસ્લા માટે ભારતમાં લોન્ચ એક મોટી તક હોઈ શકે છે, કારણ કે કંપની યુરોપ અને ચીનમાં વેચાણમાં ઘટાડો અનુભવી રહી છે. જોકે, આ નવા વિકાસ પર ટેસ્લા તરફથી કોઈ પ્રતિક્રિયા આપવામાં આવી નથી.

ટેસ્લા ભારતમાં શરૂ કરશે શોરૂમ, મુંબઈમાં ખુલશે પ્રથમ શોરૂમ

ટેસ્લા જુલાઈમાં પોતાના પ્રથમ શોરૂમનું ઉદ્ઘાટન મુંબઈમાં કરવાની તૈયારીમાં છે, અને ત્યારબાદ નવી દિલ્હીમાં પણ શોરૂમ ખોલાશે. કંપનીએ ચીનથી ઈલેક્ટ્રિક કાર, નીદર્લૅન્ડમાંથી સુપરચાર્જર કમ્પોનન્ટ્સ, કાર એક્સેસરીઝ, મર્ચેન્ડાઇઝ અને સ્પેયર્સ આયાત કર્યા છે. મોડેલ Y રિયર-વ્હીલ ડ્રાઇવ SUV, જે ટેસ્લાની સૌથી વધુ વેચાતી ઈલેક્ટ્રિક કાર છે, તે પ્રથમ સેટ ભારતમાં આવી ચુક્યું છે. શરૂઆતમાં આ મોડેલ ભારતમાં લોન્ચ થવાની સંભાવના છે.

મોદી સાથે મુલાકાત બાદ ભારતમાં ટેસ્લાનું રસ્તું ખુલ્યું

આ શરૂઆત સાથે ટેસ્લાનું ભારતમાં પ્રવેશ વર્ષોથી ચાલતી અટકળો પૂર્ણ થશે. ભારત ટેસ્લા માટે એક મહત્વપૂર્ણ બજાર છે, જેના પર મસ્ક લાંબા સમયથી નજર રાખતા હતા, પરંતુ ભારતમાં ટેરિફ અને લોકલ મેન્યુફેક્ચરિંગને લઈને વાત અટકી હતી. ફેબ્રુઆરીમાં મસ્કે અમેરિકા ખાતે પ્રધાનમંત્રી નરેન્દ્ર મોદીને મળતાં ટેસ્લાનું ભારતમાં પ્રવેશ માટે માર્ગ સ્પષ્ટ થયો. તે જ સમયે ખબર પડી હતી કે ટેસ્લા મુંબઈ નજીકના એક બંદર પર હજારોથી વધુ કાર મોકલવા માટે તૈયારી કરી રહી હતી.

ઇલેક્ટ્રિક કારની ખાસિયતો શું છે?

ગ્લોબલ માર્કેટમાં ટેસ્લા મોડેલ Y એક જ મોડેલ તરીકે વેચાય છે. આ ઇલેક્ટ્રિક SUVમાં ઓલ-વ્હીલ-ડ્રાઇવ સિસ્ટમ અને લાંબી રેન્જવાળી બેટરી છે. કારમાં 526 કિલોમીટર સુધી ડ્રાઇવિંગ રેન્જ મળે છે. ખાસ વાત એ છે કે આ ઇલેક્ટ્રિક SUV માત્ર 4.6 સેકંડમાં 0 થી 96 કિલોમીટર પ્રતિ કલાકની ગતિ પ્રાપ્ત કરી શકે છે અને તેની ટોચની ઝડપ 200 કિલોમીટર પ્રતિ કલાક સુધી મર્યાદિત છે.

ફીચર્સની વાત કરીએ તો તેમાં હિટિંગ અને વેન્ટિલેશનવાળી સીટો, 15 સ્પીકરો સાથે એક સબવૂફર સાઉન્ડ સિસ્ટમ, પાછળના મુસાફરો માટે 8.0 ઈંચનો ડિસ્પ્લે, આઠ કેમેરા અને અનેક સક્રિય ફીચર્સ તેમજ સુરક્ષા સુવિધાઓ પણ ઉપલબ્ધ છે. હાલ ભારતમાં આ કારની કિંમત કેટલી રહેશે તે કહેવું મુશ્કેલ છે.