Yezdi Adventure 2025: ભારતમાં પહેલીવાર બાઇકમાં આવી સુવિધા
Yezdi Adventure 2025: ભારતીય બજારમાં એક એડવેન્ચર બાઇક પાછી આવી છે. આ બાઇકમાં, હવે તમને એક નહીં પણ બે હેડલેમ્પ મળશે. બાઇકમાં તમને ટ્વીન બેકલાઇટ્સ પણ મળશે. ભારતમાં પહેલીવાર બાઇકમાં આવી સુવિધા આવી છે. તેની કિંમત તેના પાછલા મોડેલ કરતા લગભગ 6,000 રૂપિયા વધુ છે.
Yezdi Adventure 2025: જો તમને એડવેન્ચર બાઈકનો શોખ છે, તો હવે ઇન્ડિયન માર્કેટમાં Yezdi Adventure નો 2025 મોડેલ આવી ગયો છે.
પાછલા મોડેલની તુલનામાં તેની કિંમત માત્ર ₹6,000 જેટલી વધારે છે, પરંતુ તેમાં ફીચર્સ ઠાલવી દેવામાં આવ્યા છે.
આ બાઈકની ખાસિયત એ છે કે હવે તેમાં એક નહીં, પરંતુ બે-બે હેડલેમ્પ અને ટ્વિન ટેલલેમ્પ આપવામાં આવ્યા છે. Yezdi Adventure 2025 હવે લૉન્ચ થઈ ગઈ છે અને બજારમાં તેનો સીધો મુકાબલો રોયલ એનફિલ્ડ હિમાલયન સાથે થવાનો છે.
જાવા યેઝદી મોટરસાયકલે 2.15 લાખ રૂપિયાની કિંમતે યેઝદી એડવેન્ચરનું નવું એડિશન લોન્ચ કર્યું છે. આ બાઇક ઓફ-રોડ બાઇકિંગ જેટલી જ મજા આપશે, તેને શહેરના રસ્તાઓ પર પણ આરામથી ચલાવી શકાય છે. છેવટે, આ બાઇકમાં નવું શું છે?
ડબલ હેડલેમ્પ વાળી બાઈક
આ બાઈકમાં બે-બે હેડલેમ્પ છે. આ ખરેખર એક ટ્વિન લાઈટ સેટઅપ છે. જેમાં એક લાઈટ સામાન્ય ડીમલાઈટ જેવી છે જ્યારે બીજી લાઈટ એક પ્રોજેક્ટર લાઈટ છે, જે અંધારામાં કે ઘણઘટાલા રસ્તાઓ પર વધુ સારી દ્રશ્યતા (વિઝિબિલિટી) આપે છે. માત્ર એટલું જ નહીં, આ ધુમ્મસ કે ધૂળભરી સ્થિતિમાં પણ સારી દ્રશ્યતા આપે છે. હેડલેમ્પની જેમ પાછળના ટેઈલલેમ્પ પર પણ કંપની ટ્વિન લાઈટનો વિકલ્પ આપી રહી છે. આ એકમાત્ર ફીચર જ બાઈકની ઓફ-રોડ ક્ષમતા (કેપેબિલિટી) ને વધુ મજબૂત બનાવે છે.
જૂના મોડેલની તુલનામાં નવી બાઈકમાં જ્યાં ટ્વિન લાઈટ સિસ્ટમ છે, ત્યાં ₹6,000 વધારાની કિંમતમાં નવી ડિઝાઇનનો બાઈક વાઈઝર, બાઈકની પીક અને ટેઈલ ડિઝાઇનમાં ફેરફાર કરવામાં આવ્યો છે. તેમાં અનેક વધુ ફીચર્સ ઉમેરવામાં આવ્યા છે.
રસ્તાથી લઈ ઓફ-રોડ સુધીની તાકાત
યેઝ્દી એડવેન્ચર 2025માં ઘણા એવા ફીચર્સ છે જે આ સેગમેન્ટમાં પહેલી વાર આવ્યા છે. ઉપર અમે તમને ટ્વિન લાઇટ સિસ્ટમ વિશે માહિતી આપી હતી, જ્યારે તેમાં અદ્યતન ટ્રેક્શન કંટ્રોલ પણ છે. આ બાઈકમાં 3 એબીએસ મોડ્સ — રોડ, રેન અને ઓફ-રોડ — આપવામાં આવ્યા છે. જે જુદી-જુદી પરિસ્થિતિઓમાં શ્રેષ્ઠ બ્રેકિંગ અને હેન્ડલિંગ સુનિશ્ચિત કરે છે.
આ બાઈકમાં કંપનીએ 334cc અલ્ફા2 લિક્વિડ-કૂલ્ડ એન્જિન આપ્યું છે, જે 29.6PS ની પાવર અને 29.9Nm નો ટોર્ક જનરેટ કરે છે. તેમાં ઓપ્ટિમાઇઝ્ડ ગિયર રેશિયો, એડજસ્ટેબલ વિન્ડશિલ્ડ, ટર્ન-બાય-ટર્ન નૅવિગેશન, બ્લૂટૂથ કનેક્ટિવિટી અને યુએસબી ચાર્જિંગ જેવી સુવિધાઓ છે.
જાવા યેઝ્દી મૉટરસાઇકલ્સની આ બાઈક સાથે તમને ‘જાવા યેઝ્દી બીએસએ ઓનરશિપ એશ્યોરન્સ પ્રોગ્રામ’નો લાભ મળશે. જેના હેઠળ તમને 4 વર્ષ/50,000 કિમી સુધીની સ્ટાન્ડર્ડ વોરંટી અને 6 વર્ષ સુધીની એક્સટેન્ડેડ વોરંટીનો વિકલ્પ મળે છે.
