AC Tips: ઘર ઠંડું રાખવાનું કામ પણ થશે અને વીજળી ખર્ચમાંથી મળશે રાહત
AC Tips: ઉનાળાની ઋતુ આવતાની સાથે જ લોકોની સૌથી મોટી ચિંતા વીજળીના બિલની હોય છે. ખાસ કરીને જ્યારે એર કન્ડીશનર (AC) ચલાવવાની વાત આવે છે, ત્યારે મીટરની સોય ઝડપથી ફરવા લાગે છે. પરંતુ શું તમે જાણો છો કે કેટલીક સરળ યુક્તિઓ અપનાવીને, તમે એસી ચલાવ્યા પછી પણ તમારા વીજળીના બિલમાં ઘણી હદ સુધી ઘટાડો કરી શકો છો? હા, તે શક્ય છે. ચાલો તમને જણાવીએ કે કેવી રીતે.
ACનું તાપમાન
AC વાપરતી વખતે સૌથી પહેલી અને મહત્વપૂર્ણ વાત એ છે કે તેનો તાપમાન 24 થી 26 ડિગ્રી સેલ્સિયસ વચ્ચે રાખવો. ઘણીવાર લોકો રૂમને ઝડપથી ઠંડું કરવા 18 કે 20 ડિગ્રી પર AC ચલાવે છે, પણ આવું કરવાથી વીજળીનો ખર્ચ ખુબ જ વધી જાય છે. જ્યારે 24 થી 26 ડિગ્રી પર રાખવાથી ઊપયુક્ત ઠંડક મળે છે અને વીજળીનો બિલ પણ ઓછો આવે છે.
€
રૂમનું ઇન્સ્યુલેશન
ખંડ (રૂમ) યોગ્ય રીતે ઇન્સ્યુલેટેડ હોવું અત્યંત જરૂરી છે. ખાતરી કરો કે દરવાજા અને બારીઓ સારી રીતે બંધ હોય અને ઠંડી હવા બહાર ન નીકળી રહી હોય. બારીઓ પર જાડા પડદા કે બ્લેકઆઉટ બ્લાઇન્ડ્સ લગાવો જેથી સૂર્યપ્રકાશ સીધો રૂમમાં ન આવી શકે. સૂર્યની ગરમી રૂમને ઝડપથી ગરમ કરે છે, જેના કારણે AC વધુ મહેનત કરે છે અને વધારે વીજળી વાપરે છે.
ACનો ટાઈમર મોડ
AC વાપરતી વખતે ટાઈમર મોડનો ઉપયોગ કરો. જો તમે રાતે સૂતા સમયે AC ચાલુ રાખો છો, તો ટાઈમર સેટ કરીને કેટલાક કલાકો બાદ તેને બંધ કરી શકાય છે. રૂમ પૂરતું ઠંડું રહેશે અને ઊંઘ પણ સારી આવશે. ખાસ કરીને રાતના 2-3 વાગ્યા પછી AC બંધ કરવાથી ઘણી વીજળી બચી શકે છે.
AC સાથે પંખો ચલાવવો
AC સાથે પંખો પણ ચાલુ રાખો. AC દ્વારા નિકળતી ઠંડી હવા આખા રૂમમાં ઝડપથી ફેલાય છે અને રૂમ વધુ વહેલી તકે ઠંડો થઈ જાય છે. પરિણામે AC ઓછો સમય ચાલુ રાખવો પડે છે, જેથી વીજળી બચી શકે છે.
ACની નિયમિત સર્વિસિંગ
ACને સમયાંતરે સર્વિસ કરાવવી ખૂબ જરૂરી છે. જો ડસ્ટ ફિલ્ટર મેલાથી ભરાઈ ગયેલું હોય તો AC પર દબાણ વધે છે અને તે વધારે વીજળી વાપરે છે. દર વર્ષે એક વખત ACની પ્રોફેશનલ સર્વિસિંગ કરાવવી જોઈએ જેથી તે કાર્યક્ષમતા સાથે ચાલે અને વીજળીની બચત થાય.
