Old Car Selling Tips: જૂની કાર કેટલા વર્ષ પછી વેચવી જોઈએ? જો તમને સારા ભાવ જોઈતા હોય તો આ યુક્તિઓ અનુસરો
જૂની કાર વેચવાની ટિપ્સ: જૂની કાર વેચવાનો યોગ્ય સમય જાણવો તમારા માટે ખૂબ જ મહત્વપૂર્ણ છે કારણ કે આ રીતે તમે કારની યોગ્ય કિંમત મેળવી શકો છો અને ખરીદનારને પણ સારી સ્થિતિમાં કાર મળે છે.
Old Car Selling Tips: કારના ઇન્ટિરિયર અને એક્સટિરિયરની સારી સ્થિતિ ખરીદદારને વધારે કિંમત ચૂકવવા માટે પ્રેરિત કરી શકે છે. તેથી બોડી પેઇન્ટ અને ઇન્ટિરિયર અપગ્રેડ પર કામ કરો. હા, તેમાં થોડો ખર્ચ આવી શકે છે, પણ તમને કારના વધુ પૈસા મળી શકે છે.
કારની સમયસર સર્વિસ કરાવો અને જરૂરી પાર્ટ્સને અપડેટ કરતા રહો જેથી તેની પર્ફોમન્સમાં કોઈપણ પ્રકારની ખરાબી ન આવે.
જો તમે કારના સારા ભાવ મેળવવા માંગો છો તો તેનો સર્વિસ રેકોર્ડ સંભાળી રાખો. આથી ખરીદદારને કારની હાલતનો અંદાજ આવશે અને તે વધુ ભાવ આપવા તૈયાર થશે.
કાર જૂની થતી જાય છે ત્યારે તેની પર્ફોમન્સ ઘટે છે, એવામાં તેને યોગ્ય સમયે વેચવી જોઈએ. માનો કે તમે કારને 5 વર્ષ ચલાવી લીધી છે અને ખરીદદારો મળી રહ્યાં નથી તો તમે તેની હાલત સુધારવા માટે જરૂરી તમામ કામ કરો.
જો તમે તમારી જૂની કાર વેચવાની યોજના બનાવી રહ્યા છો, તો શ્રેષ્ઠ છે કે તમે તેને 5 વર્ષ પછી વેચો. જો તમે વધુ સમય સુધી રાહ જુઓ છો, તો કારની રીસેલ વેલ્યુ ઘટી જાય છે અને તમને ઓછા પૈસા મળે છે.
