Youtuber Jyoti Malhotra ના ચીન સાથેના સંભવિત સંબંધોની તપાસ ચાલી રહી છે, પોલીસ તરફથી ટૂંક સમયમાં ખુલાસો થવાની શક્યતા”
યુટ્યુબર જ્યોતિ મલ્હોત્રા સમાચાર: હરિયાણાની યુટ્યુબર જ્યોતિ મલ્હોત્રાની પાકિસ્તાન માટે જાસૂસી કરવાના આરોપસર ધરપકડ કરવામાં આવી છે. પોલીસના જણાવ્યા અનુસાર, તે પાકિસ્તાની ગુપ્તચર એજન્સીઓના સંપર્કમાં હતી.
Youtuber Jyoti Malhotra: હરિયાણા સ્થિત યુટ્યુબર જ્યોતિ મલ્હોત્રાની પાકિસ્તાન માટે જાસૂસી કરવાના આરોપસર ધરપકડ કરવામાં આવી છે. હિસાર પોલીસે જણાવ્યું હતું કે પાકિસ્તાની ગુપ્તચર એજન્સી (PIO) તેને ભારત સામે તૈયાર કરી રહી હતી જેથી તેનો યોગ્ય સમયે ઉપયોગ કરી શકાય. પોલીસે એમ પણ કહ્યું કે જ્યોતિ ત્રણ વાર પાકિસ્તાન ગઈ હતી, જેમાં પહેલગામ હુમલા પહેલા ટ્રાવેલ એજન્ટ તરીકે પણ સામેલ હતી. આ સમયગાળા દરમિયાન તેમણે ચીનની પણ મુલાકાત લીધી.
એક પત્રકાર પરિષદમાં, એસપી શશાંક કુમાર સાવને જણાવ્યું હતું કે, “કેન્દ્રીય તપાસ એજન્સીઓએ હરિયાણા પોલીસને જણાવ્યું છે કે પીઆઈઓ સોફ્ટ નેરેટિવ્સને પ્રોત્સાહન આપવા માટે સોશિયલ મીડિયા પર સક્રિય લોકોની ભરતી કરી રહ્યા છે.” શુક્રવારે (૧૬ મે, ૨૦૨૫) ધરપકડ કરાયેલી જ્યોતિને પાંચ દિવસની પોલીસ કસ્ટડીમાં મોકલી દેવામાં આવી છે
એસપી શશાંક સાવને આપી મોટી માહિતી
એસપી શશાંક સાવને જણાવ્યું કે, “કેન્દ્રીય એજન્સીઓ સાથેના સંપર્ક બાદ હરિયાણા પોલીસ હાલ જ્યોતિ મલ્હોત્રાની પૂછપરછ કરી રહી છે. અમે તેની આવકના સ્ત્રોતને સમજવા માટે તેની મુસાફરીની હિસ્ટ્રી અને બેંક ટ્રાન્ઝેક્શન્સની વિગતો ચકાસી રહ્યા છીએ. તેની આવક અને ખર્ચ વચ્ચે મોટો અંતર છે, જેના આધારે બાહ્ય ફંડિંગની આશંકા જણાઈ રહી છે, કારણ કે તે માત્ર એક ટ્રાવેલ બ્લૉગર હતી.”
પોલીસે વધુમાં જણાવ્યું કે જ્યોતિ એક વખત ચીન પણ ગઈ હતી અને તેણે ચીનના વિઝા માટે અરજી કરતી વખતે એક વીડિયો પણ શેર કર્યો હતો. તે અન્ય યૂટ્યુબ ઇન્ફ્લૂએન્સર્સ સાથે સંપર્કમાં હતી, જેમના પર પાકિસ્તાની એજન્સીઓ સાથે સંભવિત જોડાણ હોવાની પણ તપાસ ચાલી રહી છે.
પાકિસ્તાની એજન્ટ સાથે ઘનિષ્ઠ સંબંધ
એસપી શશાંક સાવનએ માહિતી આપી કે જ્યોતિ મલ્હોત્રા પાકિસ્તાનના હાઇ કમિશનના એક અધિકારી સાથે સીધા સંપર્કમાં હતી, જેને તાજેતરમાં ભારત સરકાર દ્વારા persona non grata જાહેર કરીને દેશમાંથી નીકાળી દેવામાં આવ્યો છે. વર્ષ 2023માં જ્યારે જ્યોતિએ પાકિસ્તાનનું વિઝા મેળવ્યું, ત્યારે તેની મુલાકાત દૂતાવાસમાં એહસાન-ઉર-રહીમ ઉર્ફે દાનિશ સાથે થઈ હતી. ત્યારબાદ બંને વચ્ચે ઘનિષ્ઠતા વધી ગઈ. દાનિશે જ પાકિસ્તાનમાં રહેવાની તેની વ્યવસ્થા કરી હતી અને ત્યાં જ તેની મુલાકાત અન્ય પાકિસ્તાની એજન્ટો સાથે થઈ હતી.
#WATCH | Hisar | “They were developing her (Jyoti Malhotra) as an asset. She was in touch with other YouTube influencers, and they were also in touch with the PIOs… She used to go to Pakistan, like on sponsored trips… She was in Pakistan before the Pahalgam attack, and the… pic.twitter.com/OD2wD1vzic
— ANI (@ANI) May 18, 2025
સોશિયલ મીડિયા મારફતે પાકિસ્તાની નેરેટિવને આપતો ઉત્સાહ
જ્યોતિ મલ્હોત્રાનો યૂટ્યુબ ચેનલ ‘Travel With JO’ અને ઈન્સ્ટાગ્રામ અકાઉન્ટ પર લાખો ફોલોઅર્સ છે. પોલીસના જણાવ્યા મુજબ તે આ પ્લેટફોર્મનો ઉપયોગ પાકિસ્તાની નેરેટિવને પ્રોત્સાહન આપવા માટે કરતી હતી. આ એક પ્રકારનું નેરેટિવ વોરફેર છે, જેમાં સોશિયલ મીડિયા ઈન્ફ્લૂએન્સર્સને એજન્ટ તરીકે વિકસિત કરવામાં આવે છે.
જ્યોતિ મલ્હોત્રા સામે અત્યાર સુધી શું કાર્યવાહી થઈ?
જ્યોતિ મલ્હોત્રાને ગુપ્તતા અધિનિયમ તથા ભારતીય દંડ સંહિતાની વિવિધ કલમો હેઠળ અટકાયત કરવામાં આવી છે. તેને અદાલતમાં રજૂ કરીને 5 દિવસની પોલીસ રિમાન્ડ પર મોકલવામાં આવી છે. હાલમાં પોલીસ દ્વારા તેનો લૅપટોપ અને મોબાઇલ ફોરેન્સિક તપાસ હેઠળ છે. સાથે જ પૈસાની લેવડદેવડ, મુસાફરીનો ઇતિહાસ અને પાકિસ્તાની અધિકારીઓ સાથે થયેલી મુલાકાતોની પણ તપાસ ચાલી રહી છે.
