Gold Price Today
આજે, 20 ફેબ્રુઆરી, 2025 ના રોજ, સોનાની કિંમતમાં ફરી વધારો થયો છે. દેશના મોટા શહેરોમાં 24 કેરેટ સોનાની કિંમત 87,600 રૂપિયાથી વધુ છે. તે જ સમયે, 22 કેરેટ સોનાની કિંમત 80,300 રૂપિયાની ઉપર ટ્રેડ થઈ રહી છે. આ સાથે આજે ચાંદીના ભાવમાં મોટો ઉછાળો આવ્યો છે.
ઇન્ટરનેશનલ માર્કેટમાં નબળાઇ છે અને વ્યાજદર અંગે અનિશ્ચિતતા છે. અમેરિકામાં ટૂંક સમયમાં નવો કન્ઝ્યુમર પ્રાઈસ ઈન્ડેક્સ (CPI) ડેટા જાહેર થવા જઈ રહ્યો છે, જે નક્કી કરશે કે ત્યાંના વ્યાજદરમાં ઘટાડો થશે કે નહીં. ડૉલરની મજબૂતીથી સોનાના ભાવ પર પણ અસર પડી છે. જેમ ડોલર મોંઘો થાય છે તેમ સોનું ખરીદવું પણ મોંઘુ થઈ રહ્યું છે.
દિલ્હીમાં 24 કેરેટ સોનાની કિંમત 87,810 રૂપિયા પ્રતિ 10 ગ્રામ પર પહોંચી ગઈ છે, જ્યારે 22 કેરેટ સોનું 80,460 રૂપિયા પ્રતિ 10 ગ્રામ પર છે. મુંબઈમાં 24 કેરેટ સોનાનો ભાવ 87,660 રૂપિયા અને 22 કેરેટ સોનાનો ભાવ 80,360 રૂપિયા પ્રતિ 10 ગ્રામ પર ટ્રેડ થઈ રહ્યો છે.
અમદાવાદમાં 22 કેરેટ સોનાની કિંમત 80,410 રૂપિયા પ્રતિ 10 ગ્રામ છે. જ્યારે 24 કેરેટ સોનાની કિંમત 87,710 રૂપિયા પ્રતિ 10 ગ્રામ છે.
સોનાની સાથે ચાંદીના ભાવમાં પણ મોટો ઉછાળો આવ્યો છે. દેશમાં એક કિલો ચાંદીનો ભાવ રૂ. 1,00,400 પર છે.
