બગ બોસ ઓટીટીમાં જે ઘડીઓ ગણાઈ રહી હતી તે આવી ગઈ. ૧૪ ઓગસ્ટની રાત્રે શોનું ગ્રાન્ડ ફિનાલે યોજાયું. જેમાં રાવ સાહેબ એટલે કે એલ્વિશ યાદવ વિજેતા બન્યો છે. એલ્વિશ યાદવને ‘બિગ બોસ ઓટીટી ૨’ની ટ્રોફી ઉપરાંત ૨૫ લાખ રૂપિયા કેશ પ્રાઈઝ મળી છે. અભિષેક મલ્હન ફર્સ્ટ રનર-અપ રહ્યો છે જ્યારે મનીષા રાની સેકડન્ડ રનર-અપ રહી છે. એલ્વિશ યાદવે ‘બિગ બોસ ઓટીટી ૨’ જીતીને ઈતિહાસ રચ્યો છે. ‘બિગ બોસ’ના ૧૬-૧૭ વર્ષના ઈતિહાસમાં ક્યારેય એવું નથી થયું કે, કોઈ વાઈલ્ડ કાર્ડ કન્ટેસ્ટન્ટ શો જીત્યો હોય. પરંતુ આ વખતે આવું બન્યું છે. એલ્વિશ યાદવે ‘બિગ બોસ ઓટીટી ૨’ના ઘરમાં આવીને ઘરવાળાની સાથે શોની સિસ્ટમને પણ હલાવી નાખી હતી. એલ્વિશ યાદવે પોતાના વન લાઈનર, ગેમ પ્લાન અને રણનીતિથી શો જીતી લીધો છે. શોમાંથી બહાર આવ્યા બાદ એલ્વિશ યાદવે ‘બિગ બોસ ૧૭’ અને આગળના પ્લાન વિશે વાત કરી છે.
તેણે કહ્યું કે, તે ૧૭મી સીઝનનો ભાગ નહીં બને પરંતુ ભવિષ્યમાં ચોક્કસથી તેનો ભાગ બનીશ. મીડિયા સાથે વાત કરતી વખતે એલ્વિશને પૂછવામાં આવ્યું કે, શું તે ‘બિગ બોસ ૧૭’નો ભાગ બનશે? જવાબ આપતાં તેણે કહ્યું, “આ વખતે તો નહીં જઉં કારણકે હું ઘણાં દિવસ મારા ઘરથી દૂર રહ્યો છું. પરંતુ ભવિષ્યમાં તક મળશે તો ચોક્કસ જઈશ. બિગ બોસ ઓટીટી ૨’ ૧૭ જૂને શરૂ થયું હતું. શોમાં અભિષેક અને મનીષા રાની ઉપરાંત જેદ હદીદ, પૂજા ભટ્ટ, જિયા શંકર, બેબિકા ધુર્વે, સાઈરસ બ્રોચા, આંકાક્ષા પુરી, અવિનાશ સચદેવ, પલક પુરસ્વાની અને આલિયા સિદ્દીકી જેવા કન્ટેસ્ટન્ટ્સ હતા. જાેકે, થોડા અઠવાડિયા પછી એલ્વિશ યાદવની વાઈલ્ડ કાર્ડ કન્ટેસ્ટન્ટ તરીકે એન્ટ્રી થઈ અને ઘરની સિસ્ટમ બદલી નાખી.
