Stallion India Fluorochemicals IPO
Stallion India Fluorochemicals IPO: રેફ્રિજન્ટ અને ઔદ્યોગિક ગેસના વ્યવસાય સાથે સંકળાયેલી કંપની, સ્ટેલિયન ઇન્ડિયા ફ્લોરોકેમિકલ્સનો IPO 15 જાન્યુઆરીએ ખુલ્યો હતો અને 17 જાન્યુઆરીએ સવારે 11.10 વાગ્યા સુધીમાં, તેને 13 ગણું સબ્સ્ક્રિપ્શન મળ્યું હતું. આ IPO 20 જાન્યુઆરીએ બંધ થશે, અને એવું માનવામાં આવે છે કે છેલ્લા દિવસે તેનું સબસ્ક્રિપ્શન વધુ વધી શકે છે.
કંપની તેના IPO દ્વારા રૂ. ૧૯૯.૪૫ કરોડ એકત્ર કરવા માંગે છે. IPOનો પ્રાઇસ બેન્ડ પ્રતિ શેર રૂ. ૮૫ થી રૂ. ૯૦ રાખવામાં આવ્યો છે. આ IPO હેઠળ કુલ 2,21,61,396 શેર જારી કરવામાં આવશે, જેમાં રૂ. 160.73 કરોડના નવા શેર અને પ્રમોટર્સ દ્વારા રૂ. 38.72 કરોડના OFS હેઠળ જારી કરાયેલા શેરનો સમાવેશ થાય છે.
કંપનીના શેર 23 જાન્યુઆરીએ શેરબજારમાં લિસ્ટ થશે. દરમિયાન, કંપનીના શેર ગ્રે માર્કેટમાં રૂ. 38 ના GMP સાથે ટ્રેડ થઈ રહ્યા હતા. ૧૪ થી ૧૭ જાન્યુઆરી દરમિયાન GMP માં વધઘટ જોવા મળી છે.
