સ્વતંત્રતા પર્વની ઉજવણી પૂર્વે વલસાડમાં મળી શંકાસ્પદ બોટ વલસાડમાં ૧૫ ઓગસ્ટના રાજ્ય કક્ષાના સ્વતંત્રતા દિવસની ઉજવણીનું આયોજન

વલસાડમાં ૧૫ ઓગસ્ટના રાજ્ય કક્ષાના સ્વતંત્રતા દિવસની ઉજવણી થવાની છે. આ કાર્યક્રમમાં CM ભૂપેન્દ્ર પટેલ અને રાજ્યપાલ આચાર્ય હાજર રહેવાના છે. જાે કે ૧૫ ઓગસ્ટના પર્વની ઉજવણી પહેલા વલસાડમાંથી શંકાસ્પદ બોટ મળી આવી છે. જેના પગલે પોલીસ દોડતી થઇ છે.૧૫ ઓગસ્ટની ઉજવણી પૂર્વે તૈયારીઓ અને સુરક્ષાના ભાગ રુપે હવાઇ નિરીક્ષણ કરવામાં આવી રહ્યુ હતુ.

દમણ કોસ્ટગાર્ડે હવાઈ માર્ગે નિરીક્ષણ કર્યું હતુ. જે દરમિયાન આ બોટ મળી આવી હતી. પ્રાથમિક દ્રષ્ટિએ આ બોટ ઓમાનની હોવાનું અનુમાન છે. બોટમાં હાલ શંકાસ્પદ કોઈ પણ વસ્તુ મળી આવી નથી. જાે કે બોટ મળી આવતા જિલ્લા પોલીસની વિવિધ ટીમોએ ઘટનાસ્થળે પહોંચી તપાસ શરુ કરી છે. સાથે જ માછીમારોની પૂછપરછ હાથ ધરી છે