Digital Payments
Digital Payments: ડિજિટલ ઈન્ડિયામાં પૈસાની લેવડ-દેવડ માટે ઘણી ઈલેક્ટ્રોનિક પદ્ધતિઓનો ઉપયોગ કરવામાં આવે છે, જેમાં UPI, NEFT, RTGS મુખ્ય છે. આ બધી પદ્ધતિઓ એકબીજાથી અલગ છે.
Digital Payment Tools : ડીજીટલ ઈન્ડિયા હેઠળ પૈસાની ચુકવણી હવે ઓનલાઈન થવા લાગી છે. આ માટે, ક્રેડિટ કાર્ડ, ડેબિટ કાર્ડ, UPI (યુનિફાઇડ પેમેન્ટ્સ ઇન્ટરફેસ), મોબાઇલ વૉલેટ, NEFT (નેશનલ ઇલેક્ટ્રોનિક ફંડ ટ્રાન્સફર), RTGS (રિયલ ટાઇમ ગ્રોસ સેટલમેન્ટ), IMPS તાત્કાલિક ચુકવણી સેવા જેવી ઘણી ઇલેક્ટ્રોનિક પદ્ધતિઓ છે. ડિજિટલ પેમેન્ટથી પૈસાની લેવડદેવડ ઘણી સરળ બની ગઈ છે.
UPI
UPI ભારતમાં નાણાંના વ્યવહારો માટે પસંદગીના વિકલ્પ તરીકે ઉભરી આવ્યું છે. તેની સૌથી મોટી ખાસિયત એ છે કે તે રજાઓમાં પણ 24 કલાક કામ કરે છે. Google Pay, PhonePe અને Paytm જેવા UPI પ્લેટફોર્મનો ઉપયોગ કરીને થોડી જ સેકન્ડોમાં ચુકવણી કરી શકાય છે. આની બીજી વિશેષતા એ છે કે મોટાભાગના પેમેન્ટ પર કોઈ ફી ચૂકવવી પડતી નથી. આવી સ્થિતિમાં, તમારે ઘરનું ભાડું ચૂકવવું હોય કે કરિયાણાની ખરીદી કરવી હોય, ચુકવણી UPI દ્વારા તરત જ થઈ જાય છે.
ક્રેડિટ લાઇન
ગયા શુક્રવારે, ભારતીય રિઝર્વ બેંકે સ્મોલ ફાઇનાન્સ બેંકોને UPI દ્વારા લોન આપવાની મંજૂરી આપી હતી. આ માટે ટૂંક સમયમાં માર્ગદર્શિકા જારી કરવામાં આવશે. તેનાથી દૂરના ગ્રામીણ વિસ્તારોમાં પણ નાના વેપારીઓને સરળતાથી લોન ઉપલબ્ધ થશે, જેનાથી આર્થિક પ્રવૃત્તિઓમાં વધારો થશે, રોજગારી વધશે અને ગ્રામીણ વિસ્તારોનો વધુ વિકાસ થશે. અગાઉ, માત્ર કેટલીક કોમર્શિયલ બેંકોને UPI પર લોન આપવાની મંજૂરી હતી.
NEFT
ભારતમાં આરબીઆઈ દ્વારા સંચાલિત આ ઈલેક્ટ્રોનિક પેમેન્ટ સિસ્ટમ સાથે, સ્થાનિક સ્તરે બેંક ખાતાઓ વચ્ચે નાણાંનું ટ્રાન્સફર ખૂબ જ સરળ બની જાય છે. જો કે, આ પદ્ધતિમાં તમે ચોક્કસ સમયની અંદર જ પૈસાની લેવડદેવડ કરી શકો છો.
UPI ની સરખામણીમાં, પેમેન્ટ કરવામાં થોડો સમય લાગે છે. જો કે, NEFT વિશ્વસનીયતા અને સુરક્ષાના દૃષ્ટિકોણથી ઘણું મહત્વ ધરાવે છે. આ માટે, UPI જેવા સ્માર્ટફોનની જરૂર નથી, તમે ઇન્ટરનેટ બેંકિંગ દ્વારા અથવા કોઈપણ બેંક શાખામાં જઈને NEFT કરી શકો છો. પૈસાની લેવડદેવડની આ જૂની પદ્ધતિ છે. ટેક્નોલોજીની વધુ સમજ ન ધરાવતા લોકો માટે આ પદ્ધતિ શ્રેષ્ઠ છે.
RTGS
મની ટ્રાન્સફરની આ ટેકનિકમાં એક બેંક ખાતામાંથી બીજા ખાતામાં પૈસા મોકલવામાં આવે છે. જો કે, આ દ્વારા પૈસા મોકલવા માટે ફી લેવામાં આવે છે. RTGS દ્વારા ખાતામાં પૈસા આવતાની સાથે જ પ્રોસેસિંગ શરૂ થાય છે, જેના કારણે ખાતાધારકને તરત જ પૈસા મળી જાય છે.
