કેન્દ્રીય ગૃહમંત્રી અમિત શાહે લોકસભામાં મોદી સરકાર વિરુદ્ધ લાવવામાં આવેલા અવિશ્વાસ પ્રસ્તાવ પર વિપક્ષને જવાબ આપ્યો. આ દરમિયાન ગૃહમંત્રીએ રાહુલ ગાંધી પર પણ નિશાન સાધ્યું હતું. રાહુલ ગાંધીનું નામ લીધા વિના અમિત શાહે કહ્યું કે, આ ગૃહમાં એવા નેતા છે જેને 13 વખત લોન્ચ કરવામાં આવ્યા છે. પરંતુ 13 વખત નિષ્ફળ ગયો. આ દરમિયાન ગૃહમંત્રીએ કલાવતી નામની મહિલાનો ખાસ ઉલ્લેખ કરતા કહ્યું કે, કલાવતીનું શું થયું, જેના ઘરે તે ખાવા માટે ગઈ હતી. તેમને મોદી સરકારમાં વિશ્વાસ છે. કલાવતીને ઘર, આરોગ્ય અને બધું આપવાનું કામ મોદી સરકારે કર્યું. કલાવતી, જેના ઘરે તમે જમવા ગયા હતા, તેમને મોદી સરકાર પર કોઈ અવિશ્વાસ નથી.
વિપક્ષ દ્વારા લાવવામાં આવેલા અવિશ્વાસ પ્રસ્તાવનો જવાબ આપતા ગૃહમંત્રીએ કહ્યું કે, ‘આઝાદી બાદથી 27 અવિશ્વાસ પ્રસ્તાવ અને 11 વિશ્વાસ પ્રસ્તાવ આવ્યા છે. જે અવિશ્વાસની દરખાસ્ત લાવવામાં આવી છે, તેમાં ન તો જનતાને વિશ્વાસ છે કે ન તો માનનીય વડાપ્રધાનને તેના પર વિશ્વાસ છે. જનતામાં ભ્રમ પેદા કરવા માટે જ આ લાવવામાં આવ્યું છે.
રાહુલ ગાંધી પર અમિત શાહનો પ્રહાર
इस सदन में एक ऐसे नेता हैं जिन्हें 13 बार लॉन्च किया गया और 13 ही बार विफल रहे। उनका एक लॉन्च मैंने भी देखा जब वे बुंदेलखंड की महिला कलावती से मिलने गए थे। लेकिन उन्होंने कलावती के लिए क्या किया? कलावती को घर, बिजली, गैस आदि देने का काम नरेंद्र मोदी की सरकार ने किया: केंद्रीय गृह… pic.twitter.com/EVJRgkRRF6
— ANI_HindiNews (@AHindinews) August 9, 2023
આ સાથે અમિત શાહે કહ્યું કે, ‘હું આખા દેશમાં ફરું છું, મેં ક્યાંય અવિશ્વાસ નામની કોઈ વસ્તુ જોઈ નથી. હું સમગ્ર દેશના લોકોનો આભાર માનું છું, જેમણે બે તૃતિયાંશ બહુમતી સાથે બે વખત સરકાર બનાવવા માટે કામ કર્યું છે.
કેન્દ્રીય ગૃહ પ્રધાન અમિત શાહે લોકસભામાં કહ્યું કે એ સમજવું પડશે કે તેઓ (યુપીએ) જન ધન યોજનાનો વિરોધ કેમ કરી રહ્યા હતા? પૂર્વ વડાપ્રધાન રાજીવ ગાંધીએ કહ્યું હતું કે જ્યારે કેન્દ્ર તરફથી 1 રૂપિયા મોકલવામાં આવે છે ત્યારે માત્ર 15 પૈસા લાભાર્થી સુધી પહોંચે છે, પરંતુ આજે આખી રકમ ગરીબો સુધી પહોંચે છે.
ગૃહમંત્રી અમિત શાહે કહ્યું કે આઝાદી પછી પીએમ મોદીની સરકાર એકમાત્ર એવી સરકાર છે જેણે મોટાભાગના લોકોનો વિશ્વાસ જીત્યો છે. પીએમ મોદી જનતામાં સૌથી લોકપ્રિય નેતા છે. પીએમ મોદી દેશના લોકો માટે અથાક કામ કરે છે. તે એક પણ રજા લીધા વગર 17 કલાક સતત કામ કરે છે. લોકો તેના પર વિશ્વાસ કરે છે.
