Tax Devolution
નવરાત્રી 2024: તહેવારોની મોસમને ધ્યાનમાં રાખીને, જેથી રાજ્ય સરકારો મૂડી ખર્ચને વેગ આપી શકે, ટેક્સ ડિવોલ્યુશનનો એક હપ્તો એડવાન્સ સ્વરૂપે રાજ્યોને આપવામાં આવી રહ્યો છે.
રાજ્યોને ટેક્સ ડિવોલ્યુશનઃ આગામી તહેવારોની સિઝનને ધ્યાનમાં રાખીને કેન્દ્ર સરકારે રાજ્યોને મોટી ભેટ આપી છે. કેન્દ્ર સરકારે દુર્ગા પૂજા, દિવાળી અને છઠ પહેલાં રાજ્ય સરકારને ટેક્સ ડિવોલ્યુશન (કર મહેસૂલ) તરીકે રૂ. 1,78,173 કરોડ રિલિઝ કર્યા છે, જેમાંથી રૂ. 89,086 કરોડ તહેવારોની સિઝનને ધ્યાનમાં રાખીને એડવાન્સ તરીકે રિલીઝ કરવામાં આવ્યા છે.
નાણા મંત્રાલયે એક પ્રેસ રિલીઝ જારી કરીને કહ્યું કે 10 ઓક્ટોબર, 2024ના રોજ કેન્દ્ર સરકારે રાજ્યોને ટેક્સ ડિવોલ્યુશન તરીકે 1.78,173 કરોડ રૂપિયા જારી કર્યા છે. સામાન્ય રીતે માસિક ટેક્સ ડિવોલ્યુશન રૂ. 89,086.50 કરોડ થાય છે. પરંતુ તહેવારોની મોસમને ધ્યાનમાં રાખીને, રાજ્ય સરકારો મૂડી ખર્ચને વેગ આપી શકે છે અને વિકાસ અને લાભકારી યોજનાઓ પરના ખર્ચ માટે એડવાન્સ સ્વરૂપે ટેક્સ ડિવોલ્યુશનનો એક હપ્તો પણ રાજ્યોને આપવામાં આવે છે.
નાણા મંત્રાલયના ડેટા અનુસાર, 1,78,173 કરોડ રૂપિયાની કર આવકમાંથી સૌથી વધુ રકમ ઉત્તર પ્રદેશને આપવામાં આવી છે. ઉત્તર પ્રદેશને રૂ. 31,962 કરોડ, બિહારને રૂ. 17,921 કરોડ, મધ્યપ્રદેશને રૂ. 13,987 કરોડ, પશ્ચિમ બંગાળને રૂ. 13,404 કરોડ, મહારાષ્ટ્રને રૂ. 11,255 કરોડ, રાજસ્થાનને રૂ. 10,737 કરોડ ફાળવવામાં આવ્યા છે.
👉 Union Government releases tax devolution of ₹1,78,173 crore to State Governments, including one advance instalment of ₹89,086.50 crore in addition to regular instalment due in October, 2024
👉Advance instalment released in view of upcoming festive season and to enable… pic.twitter.com/1wBOacu5mo
— Ministry of Finance (@FinMinIndia) October 10, 2024
આ સિવાય તમિલનાડુને 7,268 કરોડ રૂપિયા, ઓડિશાને 8068 કરોડ રૂપિયા, કર્ણાટકને 6498 કરોડ રૂપિયા, આંધ્રપ્રદેશને 7211 કરોડ રૂપિયા અને પંજાબને 3220 કરોડ રૂપિયા આપવામાં આવ્યા છે. છત્તીસગઢને રૂ. 6070 કરોડ. ઝારખંડને રૂ. 59892 કરોડ, ગુજરાતને રૂ. 6197 કરોડ, આસામને રૂ. 5573 કરોડ ટેક્સ ડિવોલ્યુશન તરીકે આપવામાં આવ્યા છે.
