Share Market Crash
Share Market Crash: BSE પર લિસ્ટેડ શેરોનું માર્કેટ કેપ ઘટીને રૂ. 474.25 લાખ કરોડ પર બંધ થયું છે અને રોકાણકારોને રૂ. 3.68 લાખ કરોડનું નુકસાન થયું છે.
Stock Market Closing On 30 September 2024: સપ્ટેમ્બર 2024 ના છેલ્લા ટ્રેડિંગ સત્રમાં શેરબજારમાં ભારે ઘટાડાથી સમગ્ર મહિના દરમિયાન બજારમાં તેજીના ઉત્સાહને બગાડવામાં આવ્યો છે. મહિનાના છેલ્લા સત્રમાં સેન્સેક્સ અને નિફ્ટી નીચે બંધ થયા છે. બેંકિંગ – ઓટો સેક્ટરના શેરો અને શેરબજારની સૌથી મોટી કંપની રિલાયન્સ ઈન્ડસ્ટ્રીઝના શેરમાં ભારે પીટાઈને કારણે બજારમાં આ ઘટાડો જોવા મળ્યો છે. આજના કારોબારના અંતે BAE સેન્સેક્સ 1272 પોઈન્ટના ઘટાડા સાથે 84,299 પોઈન્ટ અને નેશનલ સ્ટોક એક્સચેન્જનો નિફ્ટી 368 પોઈન્ટના ઘટાડા સાથે 25,811 પોઈન્ટ પર બંધ થયો હતો.
રોકાણકારોને રૂ. 3.70 લાખ કરોડનું નુકસાન થયું છે
શેરબજારમાં આવેલા તીવ્ર ઘટાડાથી રોકાણકારોને આજના સત્રમાં ભારે નુકસાન થયું છે. BSE પર લિસ્ટેડ શેરોનું માર્કેટ કેપ ઘટીને રૂ. 474.25 લાખ કરોડ પર બંધ થયું છે જે અગાઉના સત્રમાં રૂ. 477.93 લાખ કરોડ પર બંધ થયું હતું. એટલે કે આજના સત્રમાં રોકાણકારોને 3.68 લાખ કરોડ રૂપિયાનું નુકસાન થયું છે.
સેક્ટરોલ અપડેટ
માર્કેટમાં સૌથી વધુ પ્રોફિટ બુકિંગ બેન્કિંગ શેર્સમાં જોવા મળ્યું છે. નિફ્ટી બેંક પણ 857 પોઈન્ટ ઘટીને બંધ રહ્યો હતો. આ સિવાય ઓટો અને આઈટી શેરોમાં જોરદાર ઘટાડો જોવા મળ્યો હતો. ફાર્મા, એફએમસીજી, એનર્જી, કન્ઝ્યુમર ડ્યુરેબલ્સ, હેલ્થકેર, ઓઈલ અને ગેસ સેક્ટરના શેરમાં પણ વેચવાલી જોવા મળી હતી. માત્ર મેટલ્સ અને મીડિયા શેરો ઉછાળા સાથે બંધ થયા છે. આજના કારોબારમાં મિડકેપ અને સ્મોલકેપ શેર્સમાં પણ ઘટાડો જોવા મળ્યો હતો.
