Stock Market Today
Share Market Update: શેરબજારમાં મજબૂત ઉછાળાને કારણે, રોકાણકારોની સંપત્તિમાં રૂ. 6.50 લાખ કરોડનો વધારો થયો છે અને માર્કેટ કેપ રૂ. 471.97 લાખ કરોડના સર્વકાલીન ઉચ્ચ સ્તરે બંધ થયું છે.
Stock Market Closing On 20 September 2024: સપ્તાહનું છેલ્લું ટ્રેડિંગ સત્ર ભારતીય શેરબજાર માટે ઐતિહાસિક સાબિત થયું છે. BSE સેન્સેક્સે પ્રથમ વખત 84000 ની સપાટી વટાવી હતી, જ્યારે નેશનલ સ્ટોક એક્સચેન્જનો નિફ્ટી પણ તેની રેકોર્ડ ઊંચાઈને સ્પર્શવામાં સફળ રહ્યો હતો. બેન્કિંગ, ઓટો, આઈટી, એફએમસીજી અને એનર્જી શેરોમાં સ્થાનિક અને વિદેશી રોકાણકારોની ખરીદીને કારણે બજારમાં આ વધારો જોવા મળ્યો છે. મિડકેપ અને સ્મોલકેપ શેરોએ તેમની ગતિ પાછી મેળવી હતી, આજના કારોબારના અંતે, BSE સેન્સેક્સ 1359 પોઈન્ટના ઉછાળા સાથે 84,544 પર અને નિફ્ટી 375 પોઈન્ટના ઉછાળા સાથે 25,790ની સર્વકાલીન ટોચ પર બંધ થયો હતો.
રોકાણકારોની સંપત્તિમાં રૂ. 6.50 લાખ કરોડનો વધારો થયો છે
શેરબજારમાં આ શાનદાર ઉછાળાને કારણે રોકાણકારોની સંપત્તિમાં લગભગ 7 લાખ કરોડ રૂપિયાનો ઉછાળો આવ્યો છે. BSE પર લિસ્ટેડ શેરોનું માર્કેટ કેપ રૂ. 471.97 લાખ કરોડના સ્તરે બંધ થયું હતું, જે અગાઉના સત્રમાં રૂ. 465.47 લાખ કરોડના સ્તરે બંધ થયું હતું. આજના સત્રમાં રોકાણકારોની સંપત્તિમાં રૂ. 6.50 લાખ કરોડનો વધારો થયો હતો.
વધતા અને ઘટતા શેર
આજના કારોબારમાં સેન્સેક્સના 30 શેરોમાંથી 26 શેર ઉછાળા સાથે અને 4 નુકસાન સાથે બંધ થયા હતા. જ્યારે નિફ્ટીના 50 શેરોમાંથી 43 શેર ઉછાળા સાથે બંધ થયા હતા જ્યારે 7 નુકસાન સાથે બંધ થયા હતા. BSE પર કુલ 4059 શેરનું ટ્રેડિંગ થયું હતું જેમાં 2442 શેરો લાભ સાથે અને 1501 શેર નુકસાન સાથે બંધ થયા હતા. 116 શેરોના ભાવમાં કોઈ ફેરફાર જોવા મળ્યો નથી. વધતા શેરોમાં મહિન્દ્રા એન્ડ મહિન્દ્રા 5.57 ટકા, ICICI બેન્ક 3.77 ટકા, JSW સ્ટીલ 3.66 ટકા, L&T 3.07 ટકા, ભારતી એરટેલ 2.84 ટકા, નેસ્લે 2.49 ટકા, અદાણી પોર્ટ્સ 2.49 ટકા, એચયુએલ 2.09 ટકા, એચડીએફસી 2.91 ટકા વધીને બંધ થયા છે સાથે જ્યારે ઘટતા શેરોમાં, SBI 1.07 ટકાના ઘટાડા સાથે, ઇન્ડસઇન્ડ બેન્ક 0.33 ટકાના ઘટાડા સાથે, TCS 0.27 ટકાના ઘટાડા સાથે અને બજાજ ફાઇનાન્સ 0.07 ટકાના ઘટાડા સાથે બંધ રહ્યો હતો.
સેક્ટરોલ અપડેટ
આજના કારોબારમાં તમામ સેક્ટરના શેર ઉછાળા સાથે બંધ થયા છે. બેન્કિંગ, એફએમસીજી, ઓટો, આઈટી, એનર્જી, કન્ઝ્યુમર ડ્યુરેબલ્સ અને હેલ્થકેર સેક્ટરના શેરમાં ભારે ઉછાળો જોવા મળ્યો છે. આજના કારોબારમાં મિડ-કેપ અને સ્મોલ-કેપ શેર્સમાં જોરદાર ઉછાળો જોવા મળ્યો છે.
