Sensex : સપ્તાહના પ્રથમ દિવસે સોમવારે શેરબજારો લીલા રંગમાં ખૂલ્યા હતા અને લીલા નિશાનમાં બંધ થયા હતા. આજે BSE સેન્સેક્સ 194.07 પોઈન્ટના ઉછાળા સાથે 82,559.84 પોઈન્ટ અને NSE નિફ્ટી 50 પણ 42.80 પોઈન્ટના ઉછાળા સાથે 25,278.70 પોઈન્ટની સપાટીએ બંધ રહ્યો હતો. આજે, શરૂઆતના ટ્રેડિંગમાં જ, ભારતીય શેરબજારના બંને મુખ્ય સૂચકાંકો, સેન્સેક્સ, 82,725.28 પોઈન્ટ અને નિફ્ટી 25,333.65 પોઈન્ટના રેકોર્ડ સ્તરે પહોંચ્યા હતા.
સેન્સેક્સની 30માંથી 17 કંપનીઓના શેર લીલા નિશાનમાં બંધ થયા હતા.
સોમવારે બજાર બંધ થયું ત્યારે સેન્સેક્સની 30 કંપનીઓમાંથી 17 કંપનીઓના શેર લીલા નિશાનમાં બંધ થયા હતા જ્યારે બાકીની 13 કંપનીઓના શેર લાલ નિશાનમાં બંધ થયા હતા. નિફ્ટી 50માં સમાવિષ્ટ 50 કંપનીઓમાંથી 27 કંપનીઓના શેર લાભ સાથે બંધ થયા અને 23 કંપનીઓના શેર ઘટાડા સાથે બંધ થયા.
બજાજ ફિનસર્વના શેરમાં જબરદસ્ત ઉછાળો.
સેન્સેક્સ કંપનીઓમાં બજાજ ફિનસર્વના શેર સૌથી વધુ 3.26 ટકાના વધારા સાથે બંધ થયા છે. જ્યારે બજાજ ફાઇનાન્સ 2.77 ટકા, એચસીએલ ટેક 2.72 ટકા, ઇન્ડસઇન્ડ બેન્ક 1.55 ટકા, આઇટીસી 1.52 ટકા, અલ્ટ્રાટેક સિમેન્ટ 1.10 ટકા, એક્સિસ બેન્ક 1.06 ટકાના વધારા સાથે બંધ થયા હતા. જ્યારે ટાટા મોટર્સ 1.51 ટકા, NTPC 1.45 ટકા, મહિન્દ્રા એન્ડ મહિન્દ્રા 1.18 ટકા ઘટીને બંધ થયા છે.
સેન્સેક્સ અને નિફ્ટી આજે રેકોર્ડ સ્તરે ખુલ્યા છે.
તમને જણાવી દઈએ કે આજે ભારતીય બજારો લીલા રંગમાં ખુલ્યા હતા અને રેકોર્ડ સ્તરે પહોંચ્યા હતા. સોમવારે BSE સેન્સેક્સ 359.51 પોઈન્ટના ઉછાળા સાથે 82,725.28 પોઈન્ટ પર ખુલ્યો હતો. NSEનો નિફ્ટી 50 ઈન્ડેક્સ પણ 97.70 પોઈન્ટના ઉછાળા સાથે 25,333.60 પોઈન્ટ પર ખુલ્યો હતો.=
સેન્સેક્સ અને નિફ્ટી 50 માટે આ રેકોર્ડ સ્તર હતું. આજે સેન્સેક્સની 30 કંપનીઓમાં બજાજ ફિનસર્વ, એચસીએલ ટેક, આઈટીસી, ટેક મહિન્દ્રા, ઈન્ફોસીસ અને એશિયન પેઈન્ટ્સના શેર મહત્તમ ઉછાળા સાથે ખુલ્યા હતા, જ્યારે ટાટા મોટર્સ, મહિન્દ્રા એન્ડ મહિન્દ્રા, એનટીપીસી અને ભારતી એરટેલના શેર નુકસાન સાથે ખુલ્યા હતા.
