LPG cylinder : ઓઇલ માર્કેટિંગ કંપનીઓએ ભાવવધારાની જાહેરાત કર્યા બાદ રવિવારથી કોમર્શિયલ એલપીજી સિલિન્ડરની કિંમતમાં વધારો થયો છે. દિલ્હીમાં 1 સપ્ટેમ્બરથી 19 કિલોના કોમર્શિયલ એલપીજી સિલિન્ડરની કિંમતમાં 39 રૂપિયાનો વધારો કરવામાં આવ્યો છે, જેનાથી છૂટક કિંમત 1,691.50 રૂપિયા થઈ ગઈ છે. સુધારેલા દરો તાત્કાલિક અસરથી અમલમાં આવી ગયા છે.
1 ઓગસ્ટના રોજ, કંપનીઓએ નવી દિલ્હી, મુંબઈ, કોલકાતા અને ચેન્નઈ જેવા મેટ્રો શહેરો સહિત સમગ્ર દેશમાં 19 કિલોના સિલિન્ડર પર 8.50 રૂપિયાના વધારાની જાહેરાત કરી હતી. દિલ્હીમાં ભાવ રૂ. 6.50 વધી રૂ. 1,646 થી રૂ. 1,652.50 થયો હતો. કોલકાતામાં ભાવ રૂ. 8.50 વધીને રૂ. 1,764.50 થયો હતો. મુંબઈમાં તેની કિંમત 1,605 રૂપિયા હતી, જ્યારે ચેન્નાઈમાં તે 1,817 રૂપિયા હતી.
જુલાઈમાં 30 રૂપિયાના ઘટાડા બાદ ઓગસ્ટમાં વધારો થયો હતો. ત્યારબાદ દિલ્હીમાં તેની કિંમત રૂ. 1,676 થી ઘટીને રૂ. 1,646 અને મુંબઈમાં રૂ. 1,629 થી ઘટીને રૂ. 1,598 થઇ હતી. જુલાઈના ઘટાડા બાદ ચેન્નાઈમાં કોમર્શિયલ એલપીજી સિલિન્ડરની કિંમત 1,840 રૂપિયાથી ઘટીને 1,809 રૂપિયા થઈ ગઈ છે. કોલકાતામાં, કિંમત રૂ. 1,787 થી ઘટાડીને રૂ. 1,756 કરવામાં આવી હતી. 1 મેના રોજ પ્રતિ સિલિન્ડર 19 રૂપિયાના ઘટાડા બાદ કોમર્શિયલ એલપીજીના દરમાં 1 જૂને લગભગ 69 રૂપિયાનો ઘટાડો કરવામાં આવ્યો હતો.
