પાકિસ્તાનથી ગેરકાયદે રીતે ભારતમાં આવેલી સીમા હૈદરને લઈ રોજે રોજ નવા નવા ખુલાસા થઈ રહ્યા છે. આ દરમિયાન વધુ એક નવી જાણકારી સામે આવી છે. ભારતમાં આવવા માટે સીમા હૈદરે બે પ્લાન બનાવ્યા હતા. સૂત્રોના જણાવ્યા મુડબ, સીમા હૈદરે પાકિસ્તાનમાંથી જ ભારતમાં ઘૂસવા માટે મોટી યોજના બનાવી હતી. સૌથી પહેલાં તેણે નેપાળમાં ૧૫ દિવસના ટૂરિસ્ટ વિઝા માટે અપ્લાય કર્યુ અને તેને ૧૫ દિવસના ટૂરિસ્ટ વિઝા સરળતાથી મળી પણ ગયા. કારણ કે આ વર્ષે ૧૦ માર્ચના રોજ જ સીમા નેપાળના લગગ ૭ દિવસના વિઝા લઈને આવી હતી અને ૧૭ માર્ચના રોજ સચિન સાથે રહી હતી. જેનો ફાયદો તેને ફરીથી નેપાળના વિઝા લેવામાં મળ્યો હતો. સીમા હૈદરે તેના સંપૂર્ણ રૂટની સ્ક્રિપ્ટ પાકિસ્તાનમાં જ તૈયાર કરી લીધી હતી. આ પ્લાનિંગ સાથે જ સીમા નેપાળના ૧૫ દિવસના ટૂરિસ્ટ વિઝા લઈને પોતાના ચાર બાળકો સાથે નેપાળ પહોંચી હતી. સીમાના પ્લાન એ મુજબ, કોઈ પણ ભોગે ભારતમાં દાખલ થવાનું હતું અને આ દરમિયાન જાે તે બોર્ડર પર એસએસબીના ચેકિંગમાં પકડાઈ જાય તો તેને પરત નેપાળ મોકલી દેવામાં આવતી. કારણ કે સીમા પાસે નેપાળના ૧૫ દિવસના ટૂરિસ્ટ વિઝા હતા અને તે પરત નેપાળ આવી જતી.
સીમાના પ્લાન બી મુજબ, ૧૫ દિવસમાં નેપાળ વિઝામાં તેની પાસે બચેલા વિઝાનો સમય વધારે હતો અને તે પછી બીજી કોઈ બસ દ્વારા ભારત-નેપાળ બોર્ડરથી ભારતમાં દાખલ થવાનો પ્રયાસ જરુર કરતી. જાે કે, સીમા હૈદર પોતાના પ્લાન બીનો ઉપયોગ કરી શકી નહીં, કારણ કે તેને પહેલાં જ પ્લાનમાં સફળતા મળી ગઈ હતી. સીમા બોર્ડર પર એસએસબીને ચકમો આપીને ભારતમાં દાખલ થઈ ગઈ હતી. આ રીતે સીમાનો પ્લાન એ સફળ રહ્યો હતો. સીમા હૈદર ૧૦ માર્ચના રોજ વિઝા લઈને આવી હતી. જે માત્ર સાત જ દિવસનો હતો અને આ દરમિયાન તે આરામથી સચિન સાથે ફરતી રહી અને છેલ્લાં દિવસે દુબઈ થઈને તે પાકિસ્તાન પહોંચી. સતત ટ્રાવેલ કરવામાં તેને લાંબો સમય લાગ્યો હતો. એટલા માટે એજન્સીઓને શંકા છે કે સીમા હૈદરને આર્થિક મદદ મળી રહી હતી. જેની તપાસ કરવામાં આવી રહી છે. મહત્વનું છે કે, યુપી એટીએસે સીમા હૈદરની બે વાર પૂછપરછ કરી છે. ભવિષ્યમાં પણ સીમા હૈદરની પૂછપરછ થઈ શકે છે. જેથી હજુ પણ વધુ ખુલાસા થઈ શકે છે. જાે કે, સીમાએ ભારતમાં ઘૂસવા માટે બે પ્લાન બનાવ્યા અને પહેલાં જ પ્લાનમાં તે સફળ રહી હતી. આ રીતે તે ભારતમાં દાખલ થઈ હતી. એ પછી તે તેના પ્રેમી સચિન સાથે જ રહેવા લાગી હતી અંને બંને કોર્ટમાં લવ મેરેજ કરવા ગયા અને આખો ભાંડો ફૂટી ગયો હતો. એ પછી તેઓની ધરપકડ પણ થઈ હતી. બાદમાં કોર્ટે તેમને જામીન આપ્યા હતા.
