Supreme Court to Nitish Govt : બિહાર સરકારને સુપ્રીમ કોર્ટ તરફથી મોટો ઝટકો લાગ્યો છે. સુપ્રીમ કોર્ટે અનામત મામલે પટના હાઈકોર્ટના નિર્ણય પર સ્ટે આપવાનો ઈન્કાર કરી દીધો છે. કોર્ટે આગામી સુનાવણી સપ્ટેમ્બરમાં કરવાનો આદેશ આપ્યો છે.
પટના હાઈકોર્ટ સામે પિટિશન દાખલ કરવામાં આવી હતી.
બિહાર સરકારે રાજ્યમાં અનામત મર્યાદા 50 ટકાથી વધારીને 65 ટકા કરવાનો આદેશ આપ્યો હતો. બિહાર સરકારના આ આદેશ પર પટના હાઈકોર્ટે સ્ટે લગાવી દીધો હતો. જે બાદ બિહાર સરકારે હાઈકોર્ટના નિર્ણયને સુપ્રીમ કોર્ટમાં પડકાર્યો હતો. સુપ્રીમ કોર્ટે બિહાર સરકારની અરજી પણ સ્વીકારી હતી. જો કે આજે સુનાવણી દરમિયાન કોર્ટે પટના હાઈકોર્ટના કેસ પર સ્ટે આપવાનો ઈન્કાર કરી દીધો છે. આ નિર્ણયથી નીતીશ સરકારને મોટો ફટકો પડી શકે છે.
બિહાર સરકારે જોગવાઈ કરી હતી.
તમને જણાવી દઈએ કે બિહાર સરકારે અનામતની મર્યાદા વધારીને 65 ટકા કરી દીધી છે. નવા કાયદા હેઠળ, સરકારે SC/ST, OBC અને આર્થિક રીતે પછાત લોકોને શૈક્ષણિક સંસ્થાઓ અને સરકારી નોકરીઓમાં અનામત આપવાની જોગવાઈ કરી હતી. જો કે પટના હાઈકોર્ટે બિહાર સરકારના નિર્ણય પર રોક લગાવી દીધી હતી. બિહાર સરકારે પટના હાઈકોર્ટ સામે સુપ્રીમ કોર્ટમાં અરજી દાખલ કરી હતી. તેની આગામી સુનાવણી સપ્ટેમ્બર મહિનામાં થશે. કોર્ટમાં સુનાવણી દરમિયાન સોલિસિટર જનરલે કહ્યું કે આ કાયદા હેઠળ હજારો નોકરીના ઈન્ટરવ્યુ ચાલી રહ્યા છે. પરંતુ સુપ્રીમ કોર્ટે પટના હાઈકોર્ટના નિર્ણય પર રોક લગાવવાનો ઈન્કાર કરી દીધો છે અને અનામત મર્યાદા 50 ટકા રાખવાનો આદેશ આપ્યો છે.
