સીમા હૈદરની ચર્ચા હાલમાં ઘણી થઈ રહી છે. સચિન અને સીમા હૈદરની લવ સ્ટોરીને લઈને લોકોનો અલગ-અલગ મત છે. તો, સુરક્ષા એજન્સીઓ પણ આ મામલે તપાસમાં લાગી ગઈ છે. સચિન અને સીમા હૈદરની કહાણી સાથે મળતી આવતી એક કહાણી આ વર્ષે જાન્યુઆરી મહિનામાં સામે આવી હતી. સચિન અને સીમા હૈદરનું કહેવું છે કે, પબજી રમતા-રમતા તે બંને નજીક આવ્યા, તો આવા જ એક પ્રેમી પંખીડા ઓનલાઈન લુડો રમતા-રમતા એકબીજાની નજીક આવ્યા હતા. ઈકરા અને મુલાયમ સિંહની સ્ટોરી પણ કંઈક સીમા અને સચિન જેવી જ છે. આ મામલો ત્યારે સામે આવ્યો હતો, જ્યારે ભારતમાં ગેરકાયેદસર રહવા કથિત રીતે નકલી ઓળખ ઊભી કરનારી ૧૯ વર્ષની પાકિસ્તાની ઈકરા અને મુલાયમ સિંહની બેંગલુરુથી ધરપકડ કરાઈ હતી. ઈકરાને ત્યારે પાકિસ્તાન મોકલી દેવાઈ હતી, તો શું સીમા હૈદર સાથે પણ એવું જ થશે?
આ વર્ષે જાન્યુઆરી મહિનામાં એક ભારતીય વ્યક્તિની પાકિસ્તાની મહિલાને ગેરકાયદેસર રીતે દેશમાં પ્રવેશ કરાવવાના અને નકલી આઈડી કાર્ડ અપાવવામાં મદદ કરવાના આરોપમાં ધરપકડ કરાઈ હતી. ભારતના ૨૧ વર્ષના મુલાયમ સિંહ યાદવ અને પાકિસ્તાનની ૧૯ વર્ષની ઈકરા જિવાની ત્રણ વર્ષ પહેલા લુડો રમતા સમયે ઓનલાઈન મળ્યા અને પ્રેમ થઈ ગયો હતો. તે ભારત-નેપાળ સરહદથી ભારતમાં આવી હતી. તપાસમાં જાણવા મળ્યું હતું કે, યાદવે એક ડેટિંગ એપ પર ઈકરા સાથે દોસ્તી કરી અને બંનેએ લગ્ન કરવાનો ર્નિણય લીધો. મુલાયમે ઈકરાને પહેલા નેપાળ બોલાવી અને ત્યાં બંનેએ લગ્ન કરી લીધા. બાદમાં તે બંને બિહારના બીરગંજ પહોચવા માટે ભારત આવ્યા અને ત્યાંથી પટણા પહોંચ્યા. મુલાયમ અને ઈકરા બાદમાં બેંગલુરુ આવી ગયા અને બેંગલુરુના જુન્ના સંદ્રામાં ભાડાના મકાનમાં રહેવા લાગ્યા. યાદવે સપ્ટેમ્બર, ૨૦૨૨માં સિક્યુરિટી મેનની નોકરી શરૂ કરી દીધી. એટલું જ નહીં, તેણે ઈકરાનું નામ બદલી રવા યાદવ કર્યા પછી તેનું આધાર કાર્ડ પણ મેળવી લીધું અને ભારતીય પાસપોર્ટ માટે અરજી પણ કરી દીધી.
ઈકરા કેન્દ્રીય ગુપ્તચર એજન્સીઓના નિશાના પર ત્યારે આવી કે, જ્યારે તે પાકિસ્તાનમાં પોતાના પરિવારનો સંપર્ક કરવાનો પ્રયાસ કરી રહી હતી. કેન્દ્રીય એજન્સીઓએ કર્ણાટક ઈન્ટેલિજન્સનો સંપર્ક કર્યો હતો. સૂચના મળવા પર પોલીસે ઘર પર છાપો માર્યો હતો અને બંનેની ધરપકડ કરી લીધી હતી. થોડા સમય પછી ઈકરાને પાકિસ્તાન મોકલી દેવાઈ હતી, તો યાદવને જેલ થઈ. મુલાયમ યાદવ ઉત્તર પ્રદેશનો રહેવાસી છે અને તેના પરિવારને આ લગ્ન સામે કોઈ વાંધો ન હતો. ઈકરાને પાકિસ્તાની મોકલી દેવાઈ છે, તો હવે સીમા હૈદરની યુપી એટીએસ પૂછપરછ કરી રહી છે. હવે, જાેવાનું એ રહ્યું કે, સીમા હૈદરને પણ ઈકરાની જેમ પાકિસ્તાન પાછી મોકલી દેવાશે કે પછી આ કેસમાં બીજાે કોઈ વળાંક આવશે?
