વર્ષ ૧૯૯૦ની મ્યૂઝિકલ બ્લોકબસ્ટર ‘આશિકી’થી જાણીતા થયેલા એક્ટર રાહુલ રોયને ૨૦૨૦માં બ્રેન સ્ટ્રોક આવ્યો હતો અને મેડિકલ ટ્રીટમેનટ્ માટે નાણાવટી હોસ્પિટલમાં એડમિટ કરાયો હતો. એક્ટરે હવે હોસ્પિટલના અનુભવ અંગે જણાવ્યું છે. તેણે ખુલાસો કર્યો છે કે, હોસ્પિટલમાં રહેવા દરમિયાન મહેશ ભટ્ટ, પૂજા ભટ્ટ, મનીષ કોઈરાલા, રવીના ટંડન કે કરિશ્મા કપૂર સહિત બોલિવુડનો કોઈ મિત્ર તેને મળવા કે તેની ખબર-અંતર પૂછવા આવ્યો ન હતો. સિદ્ધાર્થ કન્નને આપેલા એક ઈન્ટર્વ્યુમાં રાહુલ રોયને પૂછવામાં આવ્યું હતું કે,શું ‘આશિકી’ ડાયરેક્ટ કરનારા મહેશ ભટ્ટ કે તેમની દીકરી પૂજાએ તેના ખબર-અંતર પૂછવા માટે ફોન કર્યો હતો? તેના જવાબમાં રાહુલે કહ્યું કે, ‘ના, પણ કોઈ વાંધો નથી.’ તો, એક્ટરની બહેન પ્રિયંકાએ જણાવ્યું કે, ‘તેમના ઘરે પણ કોઈએ ફોન નથી કર્યો.
એટલું જ નહીં, તેના જાેડિયા ભાઈ રોહિત રોયએ પણ કોલ નથી કર્યો. તેમના પરિવારને કોઈએ પણ હજુ સુધી ફોન નથી કર્યો, તેમનો સંપર્ક નથી કર્યો. જ્યારે તેમના ભાઈએ જ ફોન નથી કર્યો, તો અમે સ્ટાર્સ પાસેથી કઈ રીતે આશા રાખી શકીએ. રાહુલ રોયની બહેને જણાવ્યું કે, કઈ રીતે સલમાન ખાન મદદ માટે આગળ આવ્યો અને તેમની આર્થિક મદદ કરી. તેણે કહ્યું કે, ‘સલમાનને તેમની સ્થિતિ વિશે જાણ ન હતી, પરંતુ જ્યારે તેમને જાણ થઈ તો તેમણે ફોન કર્યો.’ રાહુલ જણાવ્યું કે, ‘હોસ્પિટલનું બાકી બિલ સલમાને ચૂકવી દીધું હતું. તેમણે ફોન કર્યો હતો અને પૂછ્યું કે, તે કોઈ મદદ કરી શકે છે અને તેમણે મદદ કરી. હું તેમનો ઘણો આભારી છું.’ પ્રિયંકાએ કહ્યું કે, ‘તેમણે (સલમાને) ક્યારેય તેના માટે કોઈ પબ્લિસિટી નથી લીધી.
પ્રિયંકા અને રાહુલે પણ કહ્યું કે, જાે ફિલ્મ ડાયરેક્ટર નીતિન ગુપ્તાએ રાહુલના સ્વાસ્થ્યને નજરઅંદાજ ન કર્યું હોત તો બ્રેન સ્ટોકથી બચી શકાયું હોત. પ્રિયંકાએ અન્ય અભિનેતાઓનો પણ ઉલ્લેખ કર્યો, જેમણે મુશ્કેલ સમયમાં તેમની મદદ કરી. પ્રિયંકાએ કહ્યું કે, ‘ત્યાં એક-બે એક્ટર્સ જે મળવા આવ્યા હતા, તેમાંથી એક અદિતિ ગોવિત્રિકર, સુચિત્રા પિલ્લઈ હતી અને તેમણે મદદ કરી.’ રાહુલ કહ્યું કે, ‘હવે હું આર્થિક રીતે ઘણું સારું કરી રહ્યો છું, પરંતુ મારે કામની જરૂર છે. જાે મને કામ મળશે તો મને ખુશી થશે.
