Shefali Verma’s World Record : દક્ષિણ આફ્રિકા સામેની ODI શ્રેણીમાં જોરદાર પ્રદર્શન કર્યા બાદ ભારતીય મહિલા ટીમે એકમાત્ર ટેસ્ટ મેચના પહેલા જ દિવસે ઐતિહાસિક રેકોર્ડ બનાવ્યો હતો. આફ્રિકા સામે ટોસ જીતીને પ્રથમ બેટિંગ કરવા આવેલી શેફાલી વર્મા અને સ્મૃતિ મંધાનાએ પોતાની શાનદાર બેટિંગના કારણે આફ્રિકાના બોલરોને જબરદસ્ત પરાજય આપ્યો હતો. ભારતીય મહિલા ટીમ અને દક્ષિણ આફ્રિકાની મહિલા ટીમ વચ્ચેની એકમાત્ર ટેસ્ટ મેચ દરમિયાન શેફાલી વર્માએ ઈતિહાસ રચ્યો છે. શફાલી વર્મા (ફાસ્ટેસ્ટ ડબલ હંડ્રેડ) મહિલા ટેસ્ટ ક્રિકેટના ઈતિહાસમાં સૌથી ઝડપી બેવડી સદી ફટકારનાર એકમાત્ર બેટ્સમેન બની ગઈ છે. શેફાલીએ 194 બોલમાં પોતાની બેવડી સદી પૂરી કરી હતી.
આ સિવાય સ્મૃતિ મંધાનાએ પણ ભારત માટે પ્રથમ દાવમાં શાનદાર બેટિંગ કરી હતી અને 149 રન બનાવવામાં સફળ રહી હતી. બંને
વચ્ચે પ્રથમ વિકેટ માટે કુલ 292 રનની ભાગીદારી થઈ હતી. મંધાના અને શેફાલી વચ્ચે 292 રનની ભાગીદારી મહિલા ટેસ્ટ ક્રિકેટમાં સૌથી મોટી ઓપનિંગ ભાગીદારીનો રેકોર્ડ છે.
સ્મૃતિ મંધાના અને શેફાલી વર્મા – 292 રન
કિરણ બલોચ અને સાજીદા શાહ – 241 રન
કેરોલિન એટકિન્સ અને એરેન બ્રિન્ડલ – 200 રન
