Mutual Funds : નાણાકીય વર્ષ 2023-24માં, સિસ્ટમેટિક ઇન્વેસ્ટમેન્ટ પ્લાન (SIP) દ્વારા મ્યુચ્યુઅલ ફંડમાં રોકાણ વાર્ષિક ધોરણે 28 ટકા વધીને 2 લાખ કરોડ રૂપિયા સુધી પહોંચ્યું છે. અગાઉ નાણાકીય વર્ષ 2022-23માં, SIP દ્વારા મ્યુચ્યુઅલ ફંડનું રોકાણ રૂ. 1.56 લાખ કરોડ હતું. આ રકમ વર્ષ 2021-22માં રૂ. 1.24 લાખ અને 2020-2021માં રૂ. 96,080 કરોડ હતી.
ઈન્ડસ્ટ્રી બોડી એસોસિયેશન ઓફ મ્યુચ્યુઅલ ફંડ્સ ઈન ઈન્ડિયા (Amfi) ના ડેટા દર્શાવે છે કે SIP દ્વારા મ્યુચ્યુઅલ ફંડના યોગદાનમાં છેલ્લા સાત વર્ષમાં ચાર ગણાથી વધુ વૃદ્ધિ જોવા મળી છે. નાણાકીય વર્ષ 2016-17માં આ રકમ 43,921 કરોડ રૂપિયા હતી.
આ વર્ષે ફેબ્રુઆરી અને માર્ચના સતત બે મહિનામાં SIPનું યોગદાન રૂ. 19,000 કરોડથી વધુ રહ્યું છે. આ રોકાણકારોમાં વધુ શિસ્તબદ્ધ રોકાણ વ્યૂહરચના તરફના વલણને પ્રતિબિંબિત કરે છે.
ઉદ્યોગ નિષ્ણાતો માને છે કે રિટેલ રોકાણકારો દ્વારા બજારની ભાગીદારી વધારવાની સાથે ઉત્સાહિત આર્થિક દૃષ્ટિકોણથી પણ SIP ના પ્રવાહમાં વધારો કરવામાં મદદ મળી છે. રોકાણકારોને મ્યુચ્યુઅલ ફંડમાં વિશ્વાસ જળવાઈ રહ્યો છે.
માર્ચ 2024 માં 8.4 કરોડના રેકોર્ડ ઉચ્ચ સ્તરે પહોંચતા SIP એકાઉન્ટ્સની સંખ્યા પણ આ દર્શાવે છે. એસઆઈપીથી મેનેજમેન્ટ હેઠળની સંપત્તિ પણ માર્ચમાં વધીને રૂ. 10.71 લાખ કરોડ થઈ હતી.
