MS Dhoni : આદિવસોમાં ગૌતમ ગંભીર IPL 2024માં કોલકાતા નાઈટ રાઈડર્સના મેન્ટરની ભૂમિકા ભજવી રહ્યો છે. પોતાના નિવેદનોને કારણે ચર્ચામાં રહેનાર ગંભીરે આઈપીએલ દરમિયાન એમએસ ધોની વિશે એક ચોંકાવનારી વાત કહી છે. ધોની ટૂર્નામેન્ટમાં ચેન્નાઈ સુપર કિંગ્સનો ભાગ છે. જોકે તે સુકાની નથી કરી રહ્યો.
પરંતુ IPLની વચ્ચે ગંભીરે ટીમ ઈન્ડિયાની કેપ્ટનશીપ વિશે વાત કરી. સ્ટાર સ્પોર્ટ્સ પર વાત કરતી વખતે તેણે ધોનીને ભારતીય ક્રિકેટના ઈતિહાસનો સૌથી સફળ કેપ્ટન ગણાવ્યો હતો. આ સિવાય તેણે કહ્યું કે ધોનીના સ્તર સુધી પહોંચવું ઘણું મુશ્કેલ છે.
ગંભીરે કહ્યું, “ધોની ભારતનો સૌથી સફળ કેપ્ટન છે, મને નથી લાગતું કે કોઈ આ સ્તર સુધી પહોંચી શકશે. “ત્રણ ICC ટ્રોફી જીતવી એ કોઈપણ વસ્તુ કરતા મોટી છે.”
તમને જણાવી દઈએ કે ધોનીની કેપ્ટન્સીમાં ટીમ ઈન્ડિયાએ 2007નો T20 વર્લ્ડ કપ જીત્યો હતો. આ પછી, ધોનીએ તેની કપ્તાનીમાં ભારતને 2011 માં ODI વર્લ્ડ ટાઈટલ જીતાડ્યું, જે ટીમ માટે બીજું ODI વર્લ્ડ કપ ટાઈટલ હતું. ત્યારબાદ 2013માં ધોનીની કેપ્ટનશીપમાં રમતા ટીમ ઈન્ડિયાએ ચેમ્પિયન્સ ટ્રોફીનો ખિતાબ જીત્યો હતો.
ધોની IPL રમી રહ્યો છે.
તમને જણાવી દઈએ કે ધોનીએ 2020માં આંતરરાષ્ટ્રીય ક્રિકેટને અલવિદા કહી દીધું હતું. જોકે તેણે આઈપીએલમાં રમવાનું ચાલુ રાખ્યું છે. છેલ્લી સિઝન (IPL 2023)ની કેપ્ટનશિપ કરતી વખતે, ધોનીએ ચેન્નાઈ સુપર કિંગ્સનું નેતૃત્વ કર્યું હતું, જે ટીમની પાંચમી ટ્રોફી હતી. ચેન્નાઈએ અત્યાર સુધી ધોનીની કેપ્ટન્સીમાં તમામ પાંચેય ટ્રોફી જીતી છે. જોકે, આ સિઝનમાં ધોની CSKની કમાન સંભાળી રહ્યો નથી. રુતુરાજ ગાયકવાડ આ સિઝનમાં ચેન્નાઈની કેપ્ટનશીપ કરી રહ્યો છે. હવે જોવાનું એ રહેશે કે ગાયકવાડની કપ્તાનીમાં ટીમ આ સિઝનમાં કેવું પ્રદર્શન કરે છે.
