ગેમ પછી દીકરીએ ઈમેજ ગેલેરી ખોલી દીધી પિતાના અન્ય છોકરીઓ સાથે ફોટોઝ મળતા ચકચાર

અત્યારે મોબાઈલ એક એવી જરૂરિયાત બની ગઈ છે કે એના વિના નાના બાળકોથી લઈ વૃદ્ધો પણ રહી શકતા નથી. ફોનમાં ગેમ, ફોટોઝ, વીડિયોઝ, ચેટિંગ અને ઓનલાઈન શોપિંગ સહિતના કામો આંગળીના ટેરવે થઈ જતા હોય છે. હવે તેવામાં ઘણીવાર આ ફોનના એક પાસવર્ડ અનલોકથી ઘણા લોકોની પોલ ખૂલી જતી હોય છે. આવો જ એક કિસ્સો અમદાવાદ શહેરમાં સામે આવ્યો છે. ૩૩ વર્ષીય પરિણિતાને તેની બાળકીએ અચાનક આવીને જણાવ્યું કે મમ્મી…મમ્મી.. પપ્પાના ફોનમાં તેમના ઘણીબધી છોકરીઓ સાથે ફોટોઝ છે. જાેતજાેતામાં પતિની ગેરહાજરીમાં ત્યારપછી બાળકીના કહેવા પર પત્નીએ ફોન ચેક કર્યો અને પતિની એક પછી એક પોલ ખૂલતી થઈ હતી. આ દરમિયાન પતિ જેવો ઘરે આવ્યો કે તેનો દાવ થઈ ગયો હતો. જાેધપુર ખાતે રહેતા પરિવારમાં અત્યારે એક મોબાઈલ ફોનના કારણે હોબાળો મચી ગયો છે. દીકરીએ તેના પિતાનો મોબાઈલ ફોન ચેક કર્યો હતો અને તેમાંથી પિતાના અંગતપળોના ફોટોઝ મળ્યા હતા. જેમાં તેના પિતા અન્ય યુવતીઓ સાથે વિચિત્ર ફોટોઝ ક્લિક કરાવ્યા હતા. એટલું જ નહીં અંગતક્ષણોના પણ અનેક ફોટોઝ હોવાથી જાેવાજેવી થઈ હતી. દીકરીએ દોડીને આ મુદ્દે તેની માતાને જણાવી દીધું હતું. જેથી કરીને માતાએ જાેતજાેતામાં આખો ફોન દીકરી પાસેથી ઝૂંટવી લીધો અને ચેક કર્યો હતો. ફોનના કોન્ટેક્ટ્‌સ, વ્હોટ્‌સએપ મેસેજ, ગેલેરી, વીડિયો-ફોટોઝ સહિતની એપ્લિકેશન્સ ચેક કરતા પરિણિતાના માથે આભ ફાટ્યું હતું. મહિલાએ જેવો પતિનો સમગ્ર ફોન ચેક કર્યો કે તરત જ અંદર અનેક ફોટોઝ જાેવા મળ્યા હતા. તેણે અન્ય યુવતીઓ સાથેની વાતચીત પણ જાેઈ લીધી હતી. આથી કરીને પરિણિતાએ તાત્કાલિક પતિને તેની પાસે બોલાવ્યા હતા. ઉલ્લેખનીય છે કે આ દરમિયાન રૂમમાં માત્ર દીકરી અને તેની માતા જ હતા. બીજા રૂમથી પતિ તેની પત્ની પાસે આવતા દાવ થઈ ગયો હતો. પરિણિતાએ સમગ્ર હકિકત તેની સામે રજૂ કરી દીધી હતી. એટલું જ નહીં તેણે આ ફોટોઝ અને અન્ય કેટલીક ચેટના સ્ક્રિનશોટ્‌સ પોતાના ફોનમાં લઈ લીધા અને પતિને બતાવ્યા હતા. તેણે કહ્યું કે મારી પીઠ પાછળ તમે જે કરી રહ્યા છો એ બધું મને સમજાય છે. લો આ પુરાવા અને આ બધુ શું માંડી રાખ્યું છે એ જરા મને કહેજાે. ઉલ્લેખનીય છે કે પહેલા તો પરિણિતાના પતિએ આ વાતનો સ્વીકાર જ ન કર્યો. પરંતુ જાેતજાેતામાં પત્નીએ એક પછી એક એવા એવા ફોટોઝ બતાવ્યા કે પતિને તમ્મર આવી ગયા હતા. બંને વચ્ચે ઊગ્ર બોલાચાલી થઈ હતી અને પછી મામલો બિચક્યો હતો. પત્નીએ જણાવ્યું કે તમે આ બધું અફેર અને યુવતીઓ સાથે ફરવાનું બંધ કરી દો. ત્યારે પતિને ગુસ્સો આવ્યો અને પરિણિતા સાથે દુર્વ્યવહાર કરવા લાગ્યો હતો. મુદ્દો એટલો ગરમ થયો કે પરિણિતાના પતિએ સૌથી પહેલા તેની દીકરીને માર માર્યો હતો. તેણે કહ્યું કે મારા ફોનમાં આ બધુ જાેવાની શું જરૂર હતી. મારો ફોન આમ નહીં લેવાનો. જ્યારે દીકરીને મારથી બચાવવા માટે માતા વચ્ચે આવી તો શખસે તેને પણ માર માર્યો હતો. ઉલ્લેખનીય છે કે પતિના ત્રાસથી કંટાળીને પત્નીએ તાત્કાલિક પોલીસને ફોન કર્યો. આનંદનગર પોલીસ સ્ટેશનમાં પતિની આ કરતૂત વિશે જણાવ્યું અને તેની સામે ફરિયાદ નોંધી દીધી હતી. આ દરમિયાન પોલીસ અધિકારીઓને પત્નીએ ફોટોઝ, વીડિયો અને ચેટિંગના સ્ક્રિન શોટ બતાવી દીધા હતા.