બોલીવુડ અભિનેતા વરૂણ ધવન અને જાહન્વી કપૂરની ફિલ્મ બવાલનું ટ્રેલર રિલીઝ થઈ ગયું છે. આ ટ્રેલરનું ગ્રાન્ડ લોન્ચિંગ દુબઈમાં થયું છે. નીતેશ તિવારીના નિર્દેશનમાં બનેલી આ ફિલ્મ થિએટરમાં નહીં, પરંતુ ઓટીટી પ્લેટફોર્મ પર રિલીઝ થશે. આ ફિલ્મને સાજિદ નડિયાદવાલાના પ્રોડક્શન હેઠળ નડિયાદવાલા ગ્રાન્ડસન એન્ટરટેઇન્મેન્ટે અશ્વિની અય્યર અને નીતેશ તિવારીની અર્થસ્કાય પિક્ચર્સે મળીને પ્રોડ્યુસ કરી છે. તો આવો જણાવીએ કેવું છે બવાલનું ટ્રેલર. બવાલના ટ્રેલરની શરૂઆત બૂલેટ પર આવી રહેલા અજ્જૂ ભૈયા (વરૂણ ધવન)થી થાય છે.
અજ્જૂ સ્કૂલમાં હિસ્ટ્રી ટીચર છે. આગળની સ્ટોરી અજ્જૂ અને નિશા (જાહન્વી કપૂર)ની મિત્રતા અને પછી લવ સ્ટોરી તરફ આગળ વધે છે. ટ્રેલરમાં કેટલાક પંચ એવા છે, જેને સાંભળ્યા પછી તમે હસવા માટે મજબૂર થઈ જશો, પરંતુ સ્ટોરીમાં વળાંક ત્યારે આવે છે. જ્યારે અજ્જૂ અને નિશા લગ્ન કરી લે છે અને યુરોપ પહોંચે છે. ત્યાં શરૂ થાય છે બંને વચ્ચે વર્લ્ડવોર. આ સ્ટોરીમાં દર્શકોને પ્રેમ, લડાઈ અને દરેક વ્યક્તિની અંદરનું યુદ્ધ જાેવા મળશે. બવાલની સ્ટોરી હાઈસ્કૂલમાં ઇતિહાસ ભણાવનારા એક સાધારણ અજય દિક્ષિત એટલે કે અજ્જૂની છે,
જેણે પોતાના શહેરમાં લોકોની વચ્ચે ખોટી છબી બનાવી છે અને આ જ કારણે તે ત્યાંના લોકો માટે સેલિબ્રિટીથી ઓછો નથી. આવી સ્થિતિના કારણે મજબૂર થઈને તેને બીજા વિશ્વયુદ્ધ દરમિયાન યુરોપના પ્રવાસે જવું પડે છે અને મંજૂર ન હોવા છતાં તેને પોતાની પત્ની નિશાને સાથે લઈ જવું પડે છે. જાેકે, તેની સાથે તેનો સંબંધ ઘણો તણાવપૂર્ણ છે. ત્યારબાદ થનારી ઘટનાઓનો સિલસિલો તેના લગ્નની કસોટી પર છે અને તે સૌથી મોટી લડાઈ એટલે કે પોતાની અંદર ચાલી રહેલા સંઘર્ષનો સામનો કરવા માટે મજબૂર થઈ જાય છે.
દેશ અને વિશ્વની ઘણી બધી જગ્યા પર આ ફિલ્મનું શૂટિંગ થયું છે. જાેકે, આ લવ સ્ટોરીનો સંદેશ ઘણો મહત્વનો છે, જેન વિશ્વભરના દર્શકોને જરૂર પસંદ આવશે. વરૂણ ધવને બવાલ ટ્રેલર લોન્ચ અંગે કહ્યું હતું કે, તેની કારકિર્દીનો આ અત્યાર સુધીનો સૌથી પડકારજનક રોલમાંથી એક છે. આ પાત્રને ઊંડાણપૂર્વક રીતે તૈયાર કરવામાં આવ્યો છે, જેની અંદર ચારે તરફ ખરેખર યુદ્ધ ચાલી રહ્યું છે અને આ જ કારણે આ પાત્ર હંમેશા મારા દિલની નજીક રહેશે. હું હવે એ પળની રાહ જાેઈ રહ્યો છું, જ્યારે વિશ્વભરના દર્શક અજ્જૂ અને નિશાની અલગ જ જાેરદાર લવસ્ટોરી જાેવા મળશે.
