Masti 4: મસ્તી ફ્રેન્ચાઇઝીની ચોથી ફિલ્મની જાહેરાત કરવામાં આવી છે. અત્યાર સુધી આ ફ્રેન્ચાઈઝીની ત્રણ ફિલ્મો રિલીઝ થઈ ચૂકી છે. જે દર્શકોને પસંદ પડી છે. મસ્તી 4 વિશે ઘણા સમયથી ચર્ચા ચાલી રહી હતી. પરંતુ હવે આ ફ્રેન્ચાઈઝીના અભિનેતા વિવેક ઓબેરોયે મસ્તી 4 પરથી પડદો ઉઠાવી લીધો છે અને આ ફિલ્મની સત્તાવાર જાહેરાત કરી છે. અગાઉની મસ્તી ફ્રેન્ચાઈઝી ઈન્દ્ર કુમાર દ્વારા નિર્દેશિત કરવામાં આવી હતી, પરંતુ મસ્તી 4નું નિર્દેશન હાઉસફુલ, શૂટઆઉટ અને વડાલા, સત્યમેવ જયતેના લેખક દ્વારા લેવામાં આવ્યું છે.
આ ડિરેક્ટરનું નામ છે મિલાપ ઝવેરી. વિવેક ઓબેરોયે X એકાઉન્ટ પર મસ્તી 4ની જાહેરાત કરી છે. તેણે પોતાની પોસ્ટમાં લખ્યું, ‘ભૂતકાળથી છેલ્લા ધડાકા માટે તૈયાર થઈ જાઓ. તમારી જાતને સંતુલિત કરો કારણ કે અમે મસ્તી 4 સાથે મનોરંજક સાહસોમાં પાછા ફર્યા છીએ. આ ફિલ્મનું શૂટિંગ ટૂંક સમયમાં શરૂ થશે. નિર્માતા તરીકે એ. ઝુનઝુનવાલા, એસ.કે. આહલુવાલિયા, ઈન્દ્ર કુમાર અને અશોક કુમાર આ ફિલ્મને પ્રોડ્યુસ કરી રહ્યા છે. આ વખતે મિલાપ ઝવેરી આ ફિલ્મના નિર્દેશનની જવાબદારી સંભાળશે, અમે આ અદ્ભુત સવારી માટે તૈયાર છીએ.
વિવેક ઓબેરોય, આફતાબ શિવદાસાની અને રિતેશ દેશમુખની ત્રિપુટી ફરી એકવાર મસ્તી 4માં જોવા મળશે. ઉલ્લેખનીય છે કે વિવેકે પોતાના કરિયરની શરૂઆત રામ ગોપાલ વર્માની ફિલ્મ ‘કંપની’થી કરી હતી. 2002માં રીલિઝ થયેલી આ ફિલ્મ માટે તેને બેસ્ટ ડેબ્યૂનો ફિલ્મફેર એવોર્ડ મળ્યો હતો. તેણે મસ્તી (2004) ફિલ્મ દ્વારા એડલ્ટ કોમેડી ફિલ્મોના ક્ષેત્રમાં પ્રવેશ કર્યો. ‘મસ્તી’ પછી, વિવેકે ગ્રાન્ડ મસ્તી (2013) અને ગ્રેટ ગ્રાન્ડ મસ્તી (2016) માં સ્ક્રીન પર આ પ્રકારનું પાત્ર ભજવ્યું હતું.
