NASA Shared Space Snowman Picture: અમેરિકાની સ્પેસ એજન્સી NASA અવારનવાર સ્પેસમાંથી નીકળતી નવી તસવીરો સોશિયલ મીડિયા પર શેર કરે છે. નાસા ક્યારેક આકાશગંગાના ચિત્રો મોકલે છે તો ક્યારેક મોટી ઉલ્કાના. હાલમાં જ નાસાએ સ્પેસનો એક નવો ફોટો શેર કર્યો છે, જે સોશિયલ મીડિયા પર ઝડપથી વાયરલ થઈ રહ્યો છે.
માથા પર ટોપી સાથે અવકાશમાં સ્નોમેન.
વાઈરલ થઈ રહેલી નાસાની આ તસવીરમાં ચમકતા તારાઓનો સમૂહ દેખાઈ રહ્યો છે. આ તસવીર જોયા બાદ તમે તેની સુંદરતાના વખાણ કરવાથી પોતાને રોકી શકશો નહીં. આ તસવીર અંગે નાસાનું કહેવું છે કે તેમાં સ્નોમેનની ખાસિયત દેખાઈ રહી છે, કારણ કે જો તમે તસવીરને ધ્યાનથી જોશો તો તેના માથા પર ટોપી વાળો ચહેરો જોવા મળે છે.
આ સ્નોમેન પૃથ્વીથી કેટલો દૂર છે?
સ્પેસ સ્નોમેનની આ તસવીર NASA દ્વારા nasahubble નામના ઈન્સ્ટાગ્રામ પેજ પર શેર કરવામાં આવી છે. પોસ્ટના કેપ્શનમાં કહેવામાં આવ્યું છે કે આ તસવીર નાસાના ‘હબલ ટેલિસ્કોપ’ દ્વારા કેમેરામાં કેદ કરવામાં આવી છે. આ ચિત્રમાં તમે ઉપરની ડાબી બાજુએ ત્રણ તેજસ્વી વાદળી-સફેદ રંગના તારાઓ જોઈ શકો છો, તેમની સાથે લાલ-ભૂરા અને સફેદ રંગના તારાઓ પણ દૃશ્યમાન છે. જો આ બધા તારાઓની ચમક ધ્યાનથી જોવામાં આવે તો તે સ્નોમેન જેવા દેખાય છે. નાસાએ તેના કેપ્શનમાં જણાવ્યું કે અવકાશની આ સ્નોમેન નેબ્યુલા લગભગ 6 હજાર પ્રકાશ વર્ષ દૂર છે.
