અમદાવાદ ક્રાઈમ બ્રાન્ચે જયેશ સોની, તેની પત્ની શીલા સોની, જીગર રાઠોડ અને કેતન સોનીની ધરપકડ કરી છે. આ આરોપીઓ વર્ષ ૨૦૨૧ થી સોનાની દાણચોરીનું સુનિયોજીત રેકેટ ચલાવી રહ્યા છે. અત્યાર સુધી આરોપીઓએ પાંચથી વધુ વખત સોનાની દાણચોરી કરી અંદાજિત ૩ કરોડથી વધુનું સોનું દેશમાં ઘુસાડ્યું હતું. જાેકે પોલીસ તપાસમાં દુબઈનો ચેતન ચૌધરી નામનો એક આરોપી ફરાર છે. જે દુબઈમાં સોનાને પાવડરમાં મિક્સ કરી જયેશ અને તેની પત્ની શીલાને આપતો હતો. બાદમાં તે સોનું અંડર ગારમેન્ટ, બાળકોના ડાયપર, સેનેટરી પેડમાં છુપાવી દેશમાં લાવતા હતા.
અમદાવાદ ક્રાઈમ બ્રાન્ચે સોનાની દાણ ચોરી કરતા આરોપીઓને ઝડપી પૂછપરછ કરતા હકીકત સામે આવી કે, આરોપીઓ દુબઈ એરપોર્ટ પરથી વિમાન મારફતે મુંબઈ એરપોર્ટ આવતા. ત્યાંથી ટ્રેન મારફતે સુરત અને બસ મારફતે અમદાવાદ સુધી પહોંચતા હતા. સાથે જ આ રેકેટ ચલાવનાર જીગર રાઠોડ અને કેતન સોની જયેશ અને શીલાની દુબઈ ટુરનો તમામ ખર્ચો તથા એક ટ્રીપના ૨૫૦૦૦ રૂપિયા આપતા હતા અને દુબઈમાં રહેલો ચેતન ચૌધરી હોટલ પર જઈ સોનુ પહોંચાડતો હતો. જે બાદમાં દેશમાં સ્મગલિંગ કરવામાં આવતું હતું. સોનુ અમદાવાદ પહોંચ્યા બાદ જીગર દ્વારા કેતન સોની તે સોના પાઉડર ગાળીને દેતા હતા. જેથી ફરી વખત તે સોનાની લગડી બનાવી દેતા હતા.
વર્ષ ૨૦૨૧ના અંતથી શરૂ થયેલું આ રેકેટ બે વર્ષથી બે રોકટોક ચાલી રહ્યું છે. જેથી પોલીસને શંકા છે કે મુંબઈ એરપોર્ટના કસ્ટમ વિભાગના અધિકારીઓની પણ સંડોવણી હોઈ શકે છે. આ કેસમાં કસ્ટમ વિભાગને પણ જાણ કરવામાં આવી છે. મહત્વનું છે કે આ વખતે શીલા અને તેના પતિ જયેશને દુબઈ ટુરનો ખર્ચો જીગર તથા કેતને આપ્યો ન હતો આથી તેમની વચ્ચે તકરાર થતા મામલો સામે આવ્યો. જાેકે પોલીસ તપાસમાં શું હકીકત સામે આવે છે તે જાેવું મહત્વનું છે.
