કરજણમાં ચોંકાવનારો કિસ્સો સામે આવ્યો છે. જેમા માતાએ દારૂ પીવાના રુપિયા ન આપ્યા તો પુત્રએ ગુસ્સામાં જાતે પોતાની બાઇક સળગાવી દીધી. શહેરના મહમંદ નગરી કેનાલ પાસે સળગતી બાઇકનો વીડિયો સોશિયલ મીડિયામાં વાયરલ થઇ રહ્યો છે. હાલ આ અંગે પોલીસે વધુ તપાસ હાથ ધરી છે. રાજ્યમાં દારૂબંધી છે પરંતુ યુવાધન દારૂના રવાડે ચડ્યું હોય તેવા અનેક કિસ્સા અવારનવાર સામે આવી રહ્યા છે. ત્યારે કરજણમાંથી પણ આવો જ એક કિસ્સો સામે આવ્યો છે. કરજણનાં જુના બજાર વિસ્તારના આવાસમાં આ ઘટના બની છે. મહમંદ નગરી કેનાલ પાસે યુવાન પુત્રએ પોતાની જ બાઇક સળગાવી દીધી છે. માતાએ દારુ પીવા માટે રૂપિયા આપવાની ના પાડી હતી. જેના કારણે પુત્ર ગુસ્સે ભરાયો હતો અને તેણે આવું પગલું ભરી લીધુ હતુ. યુવાનના બાઇકના હજી હપ્તા જ ભર્યા હતા. આ નવી બાઇકના હજી હપ્તા પણ પૂરા થયા ન હતા. આ સળગતા બાઇકમાં લાગેલી આગનો વીડિયો ઘણો જ વાયરલ થઇ રહ્યો છે. વડોદરામાં થોડા દિવસ પહેલા નાશામાં ધૂત યુવતીએ પોલીસ પર હાથ ઉપાડ્યો હતો અને ગંદા ઇશારા પણ કર્યા હતા.
મોના હિંગુ નામની યુવતી નશામાં વાહન હંકાર્યા બાદ પોલીસકર્મીની સામે થઈ હતી અને બેફામ ભાષાનો પ્રયોગ કર્યો હતો. યુવતી નશામાં એટલી ધૂત હતી કે, તેણે પોલીસ સાથે પણ હાથાપાઈ કરી હતી. યુવતીએ નશામાં વાહન હંકારીને શનિવારે રાત્રે અકસ્માત સર્જાયા બાદ લોકો રોડ પર એકઠા થઈ ગયા હતા. આ દરમિયાન યુવતીને પોલીસે પણ શાંતિથી સમજાવવાના પ્રયાસ કર્યા હતા પરંતુ યુવતીએ નશામાં ધૂત હોવાથી પોલીસને પણ સાથ આપવાના બદલે ગાળાગાળી કરીને હાથ ઉપાડી રહી હતી. જે બાદ પોલીસે મોના હિંગુની અટકાયત કરીને આ મામલે વધુ કાર્યવાહી કરી છે. વડોદરાના વાસણા રોડ પર રાત્રે બનેલી ઘટનામાં મહિલા નશામાં બેફામ બનીને અણછાજતું વર્તન કરી રહી હતી. પોલીસે યુવતી સામે ડ્રંક એન્ડ ડ્રાઈવનો ગુનો નોંધ્યો છે અને આ મામલે વધુ તપાસ હાથ ધરી છે. પોલીસે મોના હિંગુની અટકાયત કરીને આ મામલે વધુ કાર્યવાહી કરી છે. વડોદરાના વાસણા રોડ પર રાત્રે બનેલી ઘટનામાં મહિલા નશામાં બેફામ બનીને અણછાજતું વર્તન કરી રહી હતી. પોલીસે યુવતી સામે ડ્રંક એન્ડ ડ્રાઈવનો ગુનો નોંધ્યો હતો.
