બોલિવૂડ એક્ટર અભિષેક બચ્ચન તેની આગામી ફિલ્મ ‘ઘૂમર’ની રિલીઝની તૈયારી કરી રહ્યો છે. આ ફિલ્મનું નિર્દેશન આર બાલ્કીએ કર્યું છે અને તેમાં સૈયામી ખેર પણ મુખ્ય ભૂમિકામાં છે. અભિષેક એક ક્રિકેટ કોચની ભૂમિકા ભજવતો જાેવા મળશે જે એક લકવાગ્રસ્ત મહિલાને સફળ ક્રિકેટર બનવામાં મદદ કરે છે. અગાઉ નિર્માતાઓએ ફિલ્મનું ફર્સ્ટ લૂક મોશન પોસ્ટર લોન્ચ કર્યું હતું. હવે આ ફિલ્મનું ટ્રેલર ઓફિશિયલી રિલીઝ થઈ ગયું છે. અભિષેક બચ્ચન અને સૈયામી ખેરની ફિલ્મ ઘૂમરનું ટ્રેલર ૪ ઓગસ્ટે મુંબઈમાં એક ઈવેન્ટમાં લોન્ચ કરવામાં આવ્યું હતું. જેના કલાકારો અને ક્રૂએ તેને તેમના સોશિયલ મીડિયા હેન્ડલ્સ પર શેર કર્યું છે. સૈયામી એક ક્રિકેટરની ભૂમિકા ભજવે છે જે તેની કારકિર્દીની શરૂઆત કરી રહી છે પરંતુ તે એક દુઃખદ અકસ્માતનો સામનો કરે છે અને તેનો એક હાથ ગુમાવે છે. તેના સપના પણ ચકનાચૂર થઈ જાય છે અને તે મદદ માટે અભિષેક પાસે પહોંચે છે. તે ક્રિકેટ કોચની ભૂમિકા ભજવી રહ્યો છે જે તેના માર્ગદર્શક બનશે. જીવનમાં તેના પોતાના સંઘર્ષો છે, પરંતુ તે તેને તાલીમ આપીને મદદ કરશે જેથી તે ક્રિકેટ ફરી શરૂ કરી શકે. આ ફિલ્મમાં અંગદ બેદી સૈયામીના પ્રેમી તરીકે છે જ્યારે શબાના આઝમી તેની માતા તરીકે દર્શાવવામાં આવી છે.
ટ્રેલર સ્પોર્ટ્સ ડ્રામા છે જે ચોક્કસથી હૃદયને સ્પર્શી જશે. આ ફિલ્મ એક સ્પોર્ટ્સ ડ્રામા છે જે દિવ્યાંગ ખેલાડીઓની સિદ્ધિઓ દર્શાવે છે. અભિષેક અને સૈયામીની સાથે શબાના આઝમી અને અંગદ બેદી પણ મુખ્ય ભૂમિકામાં છે. ફિલ્મમાં બિશન સિંહ બેદી અને અમિતાભ બચ્ચન ખાસ ભૂમિકા ભજવી રહ્યા છે. આ ફિલ્મ ૧૮મી ઓગસ્ટે મોટા પડદા પર આવવાની છે. જણાવી દઈએ કે સૈયામી ખેર રિયલ લાઈફમાં પણ ક્રિકેટર રહી ચૂકી છે. એટલા માટે આ રોલ તેના માટે ખૂબ જ મહત્વપૂર્ણ છે. તેના ટ્રેલર પહેલાં મેકર્સે એક ટીઝર શેર કર્યું હતું. જેને તમામનો સારો રિસ્પોન્સ મળ્યો હતો. ટીઝરમાં અભિષેક બચ્ચનનો દમદાર ડાયલોગ હતો કે ‘જીંદગી જબ મુંહ પર દરવાજા બંધ કરતી હે તો ઉસે ખોલના નહીં તોડના પડતા હે’. ઉલ્લેખનીય છે કે અભિષેક બચ્ચનની ફિલ્મને આર. બાલ્કીએ જ લખી છે અને ડાયરેક્ટ પણ કરી છે. આ ફિલ્મમાં અંગદ બેદી અને શબાના આઝમી પણ મહત્ત્વના પાત્રોમાં જાેવા મળશે.
