Iron ore production of India : ચાલુ નાણાકીય વર્ષના એપ્રિલ-મેના સમયગાળામાં દેશનું આયર્ન ઓરનું ઉત્પાદન ચાર ટકા વધીને 52 મિલિયન ટન થયું છે. કામચલાઉ ડેટા અનુસાર, ગયા નાણાકીય વર્ષના સમાન સમયગાળામાં દેશનું આયર્ન ઓરનું ઉત્પાદન 50 મિલિયન ટન હતું. ખાણ મંત્રાલયે એક નિવેદનમાં જણાવ્યું હતું કે એપ્રિલ-મેના સમયગાળામાં લાઈમસ્ટોનનું ઉત્પાદન એક વર્ષ અગાઉના 7.7 કરોડ ટનથી વધીને 79 મિલિયન ટન થયું હતું. નિવેદનમાં કહેવામાં આવ્યું છે કે, “ગત વર્ષના સમાન સમયગાળાની સરખામણીએ નાણાકીય વર્ષ 2024-25 (એપ્રિલ-મે)માં મેંગેનીઝ ઓરનું ઉત્પાદન 16.7 ટકા વધીને સાત લાખ ટન થયું છે.”
મૂલ્યની દ્રષ્ટિએ, કુલ ખનિજ ઉત્પાદનમાં આયર્ન ઓર અને ચૂનાના પત્થરનો ફાળો લગભગ 80 ટકા છે. વર્ષ 2023-24માં આયર્ન ઓરનું ઉત્પાદન 275 મિલિયન ટન અને ચૂનાના પત્થરનું ઉત્પાદન 45 કરોડ ટન હતું.
નોન-ફેરસ મેટલ્સ સેક્ટરમાં એપ્રિલ-મેના ગાળામાં પ્રાથમિક એલ્યુમિનિયમનું ઉત્પાદન 1.2 ટકા વધીને 6.98 લાખ ટન થયું છે જે એક વર્ષ અગાઉના સમાન ગાળામાં 6.90 લાખ ટન હતું. ભારત વિશ્વનો બીજો સૌથી મોટો એલ્યુમિનિયમ ઉત્પાદક, ત્રીજો સૌથી મોટો ચૂનો ઉત્પાદક અને ચોથો સૌથી મોટો આયર્ન ઓર ઉત્પાદક છે.
