Coal import growth rate decelerates : ભારત ઊર્જા સુરક્ષામાં આત્મનિર્ભર બનવા તરફ આગળ વધી રહ્યું છે. નાણાકીય વર્ષ 2023-24 સુધી છેલ્લા એક દાયકામાં કોલસાની આયાતમાં વાર્ષિક વૃદ્ધિ ઘટીને 2.49 ટકા થઈ છે તે હકીકત પરથી સ્પષ્ટ થાય છે. કોલસા મંત્રાલયે એક નિવેદનમાં જણાવ્યું હતું કે નાણાકીય વર્ષ 2004-05 થી 2013-14 દરમિયાન કોલસાની આયાતનો સંચિત વાર્ષિક વૃદ્ધિ દર (CAGR) 21.48 ટકા હતો. જોકે, 2014-15થી 2023-24 દરમિયાન કોલસાની આયાતનો CAGR માત્ર 2.49 ટકા રહ્યો છે.
નિવેદન અનુસાર, “વધુમાં, નાણાકીય વર્ષ 2004-05 થી 2013-14ના સમયગાળા દરમિયાન આયાતી કોલસાના હિસ્સાનો CAGR
13.94 ટકા હતો. જ્યારે છેલ્લા એક દાયકા દરમિયાન આ આંકડો ઘટીને માઈનસ 2.29 ટકા થઈ ગયો છે.
મંત્રાલયે નિવેદનમાં જણાવ્યું હતું કે, દેશ સ્થાનિક કોલસાના સંસાધનોને શ્રેષ્ઠ બનાવવા અને નવીન તકનીકી ઉકેલોનો લાભ લેવા પર વ્યૂહાત્મક ધ્યાન કેન્દ્રિત કરીને ઊર્જા સુરક્ષામાં આત્મનિર્ભરતા તરફ તેની યાત્રા ચાલુ રાખે છે. નિવેદન અનુસાર, વિશ્વમાં કોલસાનો પાંચમો સૌથી મોટો ભંડાર ધરાવતો ભારત આ ઇંધણનો બીજો સૌથી મોટો વપરાશકાર છે.
