Godrej Properties in Bengaluru : ગોદરેજ પ્રોપર્ટીઝ લિમિટેડે રેસિડેન્શિયલ પ્રોપર્ટીની મજબૂત માંગ વચ્ચે બેંગલુરુમાં રૂ. 3,150 કરોડથી વધુની કિંમતના તેના નવા રહેણાંક પ્રોજેક્ટમાં 2,000 એકમોનું વેચાણ કર્યું છે. ગોદરેજ પ્રોપર્ટીઝે સ્ટોક એક્સચેન્જ ફાઇલિંગમાં જણાવ્યું હતું કે તેણે બેંગલુરુના વ્હાઇટફિલ્ડ-બુડિગેર ક્રોસ ખાતે સ્થિત ‘ગોદરેજ વુડસ્કેપ્સ’ પ્રોજેક્ટમાં રૂ. 3,150 કરોડથી વધુની કિંમતનું વેચાણ બુકિંગ મેળવ્યું છે.
કંપનીએ જણાવ્યું હતું કે મૂલ્ય અને વેચાણ વોલ્યુમની દ્રષ્ટિએ આ ગોદરેજ પ્રોપર્ટીઝની અત્યાર સુધીની સૌથી સફળ ઓફર છે. ગોદરેજ પ્રોપર્ટીઝના મેનેજિંગ ડિરેક્ટર અને સીઈઓ ગૌરવ પાંડેએ જણાવ્યું હતું કે, “ગોદરેજ પ્રોપર્ટીઝ માટે દક્ષિણ ભારત ખૂબ જ મહત્વપૂર્ણ ક્ષેત્ર છે. આગામી વર્ષોમાં અમારી હાજરીને વધુ મજબૂત બનાવવાનો અમારો ધ્યેય છે.” ગોદરેજ પ્રોપર્ટીઝ દેશના અગ્રણી વિકાસકર્તાઓમાંની એક છે.
