કેન્દ્રીય કૃષિ અને ખેડૂત કલ્યાણ પ્રધાન નરેન્દ્રસિંહ તોમરે કહ્યું છે કે,’ આંદોલિત ખેડૂત સંગઠનોના પ્રતિનિધિઓ સાથેની વાટાઘાટમાં કોઈ સકારાત્મક સમાધાન બહાર આવશે.’
તોમારે સોમવારે વિજ્ઞાન ભવન ખાતે ખેડૂત પ્રતિનિધિઓ સાથેની બેઠકમાં ભાગ લેતા પહેલા પત્રકારોને જણાવ્યું હતું કે,’ તેમને આશા છે કે આજે અમે સકારાત્મક સમાધાન શોધીશું.’ તેમણે કહ્યું કે, ‘ખેડૂત સંગઠનોના પ્રતિનિધિઓ સાથે યોજાનારી આ બેઠકમાં બંને પક્ષો તમામ મુદ્દાઓ પર ચર્ચા કરશે.’
તોમરે કહ્યું કે,’ સરકાર ખુલ્લા મન થી ખેડૂતોની સમસ્યાઓ અને તેમના અન્ય પ્રશ્નો ના નિરાકરણ માટે ગંભીર છે.’
ગત મહિને 30 ડિસેમ્બરે, કેન્દ્ર સરકાર અને સંઘર્ષશીલ ખેડૂત સંગઠનોના નેતાઓ વચ્ચે કૃષિ કાયદા અંગેના અંતરાયને સમાપ્ત કરવા તરફ હકારાત્મક પરિણામ આવ્યું હતું. બંને પક્ષો આંદોલનને લગતા બે મુદ્દાઓ પર સહમત થયા. બેઠકમાં સરકારને પર્યાવરણીય મુદ્દાને ધ્યાનમાં લેવા વટહુકમ બહાર પાડવાની ખાતરી આપવામાં આવી હતી. તેવી જ રીતે, વીજ સુધારણા બિલ પાછું ખેંચી લેવાની અને સિંચાઈ માટે વીજળી પર સબસિડી ચાલુ રાખવાની ખાતરી પણ આપવામાં આવી હતી. બેઠક બાદ કૃષિ પ્રધાન તોમરે કહ્યું કે,’ અડધા મુદ્દાઓ વાટાઘાટો દ્વારા ઉકેલી લેવામાં આવ્યા છે.’
