પૂર્વ મુખ્યમંત્રી અને વિપક્ષી નેતા દેવેન્દ્ર ફડણવીસે, ભાજપના વરિષ્ઠ નેતા અને ગોવાના પૂર્વ મુખ્યમંત્રી અને ભૂતપૂર્વ સંરક્ષણ પ્રધાન મનોહર પર્રિકરને, તેમની 65 મી જન્મજયંતિ નિમિત્તે શ્રદ્ધાંજલિ આપી. ટ્વિટર પર પોતાની ભાવનાઓ વ્યક્ત કરતાં ફડણવીસે કહ્યુ કે, “મનોહરભાઈ જેમણે ગોવાને પોતાનુ હૃદય આપ્યુ, તે ભારતીય રાજકારણમાં એક અસાધારણ વ્યક્તિત્વ હતા. ગોવાના પૂર્વ મુખ્યમંત્રી મનોહર પર્રિકરજીને તેમના જન્મજયંતી નિમિત્તે, વિનમ્ર અભિવાદન.” દેવેન્દ્ર એ આ સાથે, તેમના કેટલાક વિશેષ ચિત્રો પણ દર્શાવ્યા છે.
મનોહર પર્રિકરનો જન્મ 13 ડિસેમ્બર 1955 ના રોજ, ગોવાના માપુસામાં થયો હતો. તેમની રાજકીય કારકીર્દિ દરમિયાન, તેમણે વિપક્ષી નેતા, મુખ્ય પ્રધાન અને દેશના સંરક્ષણ પ્રધાન સહિત અનેક હોદ્દાઓ સંભાળ્યા હતા. તેઓ 2000 થી 2005, 2012 થી 2014 અને 2017 થી 2019 સુધી, ગોવાના મુખ્ય પ્રધાન હતા. 2014 માં, તે મોદી સરકારમાં સંરક્ષણ પ્રધાન બન્યા હતા. 2015 ની ગોવા વિધાનસભાની ચૂંટણીમાં, ભાજપને સ્પષ્ટ બહુમતી ન મળતાં પર્રિકર ગોવામાં પરત ફર્યા હતા. પર્રિકરના સમયમાં, ઓઆરઓપી, સર્જિકલ સ્ટ્રાઈક અને રાફેલ જેવા મહત્વપૂર્ણ નિર્ણયો લેવામાં આવ્યા હતા. 17 માર્ચ 2019ના 63 વર્ષની ઉંમરે, લાંબી કેન્સરની બીમારીને લીધે, તેમનુ અવસાન થયુ હતુ. કેન્સર સામે લડતી વખતે, તેણે અનુનાસિક ટ્યુબ સાથે બેઠકો પણ કરી હતી. મનોહર પર્રિકર વડા પ્રધાન નરેન્દ્ર મોદીના ખૂબ નજીકના માનવામાં આવતા હતા. મનોહર પર્રિકરે સૌથી પહેલા, વડા પ્રધાન પદ માટે મોદીને ટેકો જાહેર કર્યો હતો.
