પારડી,
બગવાડા ટોલનાકા હાઈ વે પર બાલદા ના પતિ-પત્ની અને પૌત્ર સાથે બાઈક પર વાપી લગ્ન માં જઈ રહ્યા હતા. તે દરમ્યાન અચાનક બાઈક પરથી પત્ની નીચે પટકાતા પાછળથી પૂર ઝડપે આવતા ટ્રક ચાલકે માથા પર ટાયર ચઢાવી દેતા પત્ની નું સ્થળ પર જ મોત નીપજ્યું હતું.
પારડી તાલુકાના બાલદા ગામના કમઠી ફળિયા ખાતે રહેતા ભરતભાઈ ખાલપભાઈ પટેલ ના ઓ આજરોજ તેમની પત્ની ઉષાબેન ભરતભાઈ પટેલ અને પૌત્ર શિવ યોગેશભાઈ પટેલ બાઈક ન. જી.જે. 15 આર. 6615 પર વાપી ખાતે લગ્ન માં જઈ રહ્યા હતા. તે દરમ્યાન બગવાડા ટોલનાકા હાઈ વે તીઘરા નજીક પેટ્રોલપમ્પ સામે અચાનક ચાલુ બાઈક પરથી પત્ની ઉષાબેન નીચે પડી જતા પાછળથી પુરઝડપે ગફલત ભરી રીતે હંકારી આવતા ટ્રક ન. જી.જે. 12 બી.ટી. 0218 ના ચાલકે પત્ની ના માથા ઉપર વ્હીલ ચઢાવી દેતા ઘટના સ્થળ પર જ ઉષાબેન નું કમકમાટી ભર્યું મોત નીપજ્યું હતું. જેને ઓરવાડ સીએચસી ખાતે પીએમ માટે ખસેડવામાં આવી હતી. ઘટના ની જાણ પતિ ભરતભાઈ પટેલે પારડી પોલીસ મથકે ટ્રક ચાલાક રાજેશ કરસનભાઈ ખટારીયા રહે કચ્છ ભુજ સામે ફરિયાદ નોંધાવી હતી. પોલીસે ટ્રક અને ચાલક ની ધરપકડ કરી વધુ તપાસ હાથ ધરી છે.
ઉલ્લેખનીય છે કે વલસાડ જિલ્લામાં આજે અકસ્માતો ની વણઝાર જોવા મળી હતી. પારડી માં 3, વલસાડ માં 1 સહીત 4 અકસ્માતો સર્જાયા હતા.
