દેશમાં કોરોના દર્દીઓની સંખ્યા 1 કરોડ અને બે લાખ ને વટાવી ગઈ છે. છેલ્લા 24 કલાકમાં કોરોના 20,036 નવા કેસ નોંધાયા છે. આ સાથે, કોરોના દર્દીઓની સંખ્યા વધીને 1,02,86,710 થઈ છે. છેલ્લા 24 કલાકમાં 256 લોકોનાં મોત થયાં. આ સાથે, આ રોગથી મૃત્યુ પામેલા લોકોની સંખ્યા 1,48,994 પર પહોંચી ગઈ છે.
શુક્રવારે સવારે કેન્દ્રીય આરોગ્ય મંત્રાલયે જાહેર કરેલા આંકડા મુજબ, દેશમાં 2,54,254 સક્રિય દર્દીઓ છે. આ એક દિલાસો આપનાર સમાચાર છે કે, કોરોનાથી અત્યાર સુધીમાં 98,83,461 દર્દીઓ સ્વસ્થ થયા છે, જ્યારે દેશની પુન: સ્વસ્થ થવાનો દર વધીને 96.07 ટકા થયો છે.
દેશમાં છેલ્લા 24 કલાકમાં 10 લાખ થી વધુ પરીક્ષણો લેવામાં આવ્યા
દેશમાં છેલ્લા 24 કલાકમાં 10 લાખ થી વધુ કોરોના પરીક્ષણો કરવામાં આવ્યા છે. આઇસીએમઆર અનુસાર, 31 ડિસેમ્બરે 10,62,420 પરીક્ષણો લેવામાં આવ્યા હતા. દેશમાં અત્યાર સુધીમાં કુલ 17,31,11,694 પરીક્ષણો કરવામાં આવ્યા છે.
