દેશના અલગ-અલગ રાજ્યોમાં વરસાદને કારણે અનેક જગ્યાએ લોકોને ભારે મુશ્કેલીનો સામનો કરવો પડી રહ્યો છે. ઉત્તરાખંડમાં પણ ભારે વરસાદ લોકો માટે મુશ્કેલીનું કારણ બન્યો છે.વરસાદની ઋતુમાં નદીઓના જળસ્તરમાં વધારો થતાં અચાનક પાણીનો પ્રવાહ વાહનચાલકોને ભારે પડી રહ્યો છે. આવી સ્થિતિમાં દેહરાદૂનના શિમલા બાયપાસ પર એક બસ પાણીના જાેરદાર પ્રવાહમાં ફસાઈ ગઈ હતી. બસ ડ્રાઇવરની બેદરકારીને કારણે અનેક લોકોના જીવ જાેખમમાં પડી ગયા હતા. આ ઘટનાનો એક વીડિયો પણ સામે આવ્યો છે. આ વીડિયો દેહરાદૂનના શિમલા બાયપાસ ચોક પાસે આવેલા રામગઢ ગામનો છે.
વીડિયોમાં વરસાદી નદીના ઝડપી વહેતા પાણીમાં ફસાયેલી બસમાંથી મુસાફરો સુરક્ષિત રીતે બહાર નીકળવાનો પ્રયાસ કરતા જાેવા મળે છે. હકીકતમાં, હિમાચલ રોડવેઝની ચંદીગઢથી હરિદ્વાર જઈ રહેલી મુસાફરોથી ભરેલી બસ વરસાદી નદીમાં પાણી આવવાને કારણે ફસાઈ ગઈ હતી. બસમાં બેઠેલા મુસાફરોએ બસની છત પર ચઢીને અને પછી સલામત સ્થળે કૂદીને પોતાનો જીવ બચાવ્યો હતો. વીડિયોમાં તમે જાેઈ શકો છો કે કેવી રીતે યાત્રીઓ વચ્ચે પોતાનો જીવ બચાવવા માટે લડાઈ થઈ હતી.
આ સાથે જ ઝડપથી વહેતા પાણીમાં બસ ફસાઈ અને ભયનું દ્રશ્ય વીડિયોમાં સ્પષ્ટ જાેઈ શકાય છે. વરસાદી નદી પાર કરતી વખતે બસ પાણીમાં ફસાઈ ગઈ હતી, જે બાદ મુસાફરોમાં હોબાળો મચી ગયો હતો. માહિતી મળતાં જ પટેલ નગર પોલીસ ઘટનાસ્થળે પહોંચી હતી અને તમામ મુસાફરોને સલામત રીતે બહાર કાઢ્યા હતા. પાણીનું સ્તર ઘટ્યા બાદ બસને પણ રવાના કરવામાં આવી હતી. આ સાથે, હર્બર્ટપુર અને સિઘનીવાલામાં મળી રહેલા અહેવાલોને કારણે, માર્ગને ડાયવર્ટ કરવામાં આવ્યો છે.
