છત્તીસગઢ વિધાનસભાના શિયાળુ સત્રના ત્રીજા દિવસે બુધવારે ગૃહમંત્રી તામ્રધ્વજ સાહુએ એક મહત્વપૂર્ણ પ્રશ્નના જવાબમાં માહિતી આપી હતી કે, છેલ્લા ત્રણ વર્ષમાં સુરક્ષા દળો સાથેની અથડામણ માં 216 નક્સલીઓ માર્યા ગયા છે.
કોંગ્રેસના વરિષ્ઠ ધારાસભ્ય ધાનેન્દ્ર સાહુના પ્રશ્નના લેખિત જવાબમાં ગૃહમંત્રીએ ઉપરોક્ત માહિતી આપી હતી. તેમણે કહ્યું કે, સુકમા જિલ્લામાં 82 નક્સલવાદીઓ માર્યા ગયા છે. ઉપરાંત, આ સમયગાળા દરમિયાન 966 નક્સલવાદીઓએ આત્મસમર્પણ કર્યું છે.
મંત્રી દ્વારા આપવામાં આવેલી માહિતી મુજબ, વર્ષ 2018 થી 2020 સુધીમાં સુકમા જિલ્લામાં 82, દાંતેવાડામાં 30, રાજનંદગાંવમાં 17, નારાયણપુરમાં 16, બસ્તર અને ધમતરીમાં સાત, બીજાપુરમાં 46, કાંકેરમાં 6, કબીરધામ અને કોંડાગોવમાં ત્રણ છે. સુરક્ષા દળોએ જિલ્લામાં 11 નક્સલવાદીઓને ઠાર કર્યા છે. જ્યારે સુકમા જિલ્લામાંથી 333, દંતેવાડા જિલ્લામાંથી ,300, નારાયણપુરથી 164, બીજાપુર જિલ્લાના 77 નક્સલવાદીઓ, કોંડાગાવ જિલ્લાના 46 નક્સલીઓ, બસ્તરમાંથી 7 અને કાંકેર જિલ્લામાંથી ત્રણ નક્સલીઓએ શરણાગતિ સ્વીકારી છે.
