અમદાવાદ, 27 જુલાઈ પોલીસની કાર્યવાહી કરવામાં આવી હતી. એક જ દિવસમાં 50 વધુ પોલીસ કર્મચારીને, દંડ ફટકારાયો હતો. અમદાવાદ શહેરના રસ્તાઓ ઉપર હવે વાહનોમાં મન પડે તેવા ચિત્રો, ચિહ્નો નહીં ચાલે. ખૂદ પોલીસ કર્મચારીઓ ડાર્ક ગ્લાસ લગાવેલી કારમાં, આગળ પોલીસના પાટિયાં લગાવીને મન પડે તેમ ફરતાં રહે છે.
શહેરના રસ્તાઓ પરથી પસાર થતાં વાહનોને પોલીસ અટકાવીને કાર્યવાહી કરે ત્યારે પોલીસ, લાઈનબોય, સરકારી કર્મચારી, રાજકારણી કે પછી પ્રેસ સાથે જોડાયેલા હોવાનો રોફ હવે નહીં ચાલે. ટ્રાફિક નિયમોનું કડક પાલન કરાવવા માટે પોલીસે હવે પોલીસથી કડક કાર્યવાહી શરૂ કરી છે. ટ્રાફિક પોલીસે કમિશનર કચેરી, હેડ કવાર્ટર અને ડીસીપી કચેરીઓની બહાર સવારે 10 થી 12 તેમજ સાંજે 4 થી 6-30 વાગ્યા સુધી ટ્રાફિક પોલીસની ટીમ, ઉભી રાખી દેવામાં આવી હતી.
હેડ કવાર્ટરમાં રહેતા પોલીસ કર્મચારીઓ જ્યારે હેલ્મેટ પહેર્યા વગર બહાર નીકળ્યાં, તેવાં સમયે 1000 રૂપિયાનો મેમો ફાડ્યા હતા. પ્રજાજનોનો 500 રૂપિયા મેમો થતો હોય છે. પણ, જે પોલીસ કર્મચારીઓએ નિયમભંગ કર્યા, તેમને મેમો આપીને 1000 રૂપિયા દંડ વસુલવામાં આવ્યો હતો.
